VAG scan programmation (2026)

26/06/2026

خاوتنا رانا مؤقتا نخدمو بار رونديفو في غاراج تاع صديق جوايه واد قريش قريب لطريق الابيار لي عندو اي مشكل يتواصل معانا و نبعثولو لادراس بل maps و نزيدو نوجهوه إن شاء الله و بارك الله فيكم

26/06/2026

سلام عليكم ورحمة الله وبركاته مع البريكول تاع البرمجة هذي غولف 5 تاع خونا فيها مشكل تاع تشاك كي لعادة مع ديفو تاع لوجيار أيا بدينا كي لعادة بل بروتوكول ركبنا ستابيليزاتور باتري و بدات قراءة الملف كي لعادة لازم تبع البروتوكول سامط تاع الkess يكرهلك حياتك و نتا تدير كونطاكت و تنحي باش يبدا ينسخ الملف الأصلي ثم يتم برمجته بواسطة لي لوجيسيال كاين بزاف و كل واحد بواش يخدم المهم بعد البرمجة تبدا عملية كتابة الملف المعدل فل كالكيلاتور متور للسيارة و هنا اصعب عملية علاش صعبة لانو اذا انقطع تيار الكهربائي أو صرا اي حاجة قست كاش خيط تاع جهاز نسخ و كتابة او تفتح الباب او تشعل ضوء راح تخرب عملية الكتابة و ممكن يصرا مشكل و يضيع الملف و يتعطل الكالكيلاتور متور و تولي في خسارة من جيبك بسبب مشكل صغير و احيانا ماشي منك بسبب تيار الكهربائي تعشي خاسر من جيبك مهم تمت العملية بنجاح ممبعد قبل منسيييوها صبنا الماء ساح ملتحت و خونا من قبل كانت تفويتيلو الماء بعد ما نحينا ليزاكسيسوار على الجنب بانت دوريت مثقوبة قمنا بتبديلها و رحنا نسييوها حسينا ديفيرونس تاع تيراج لكن كان عندو توربو مبلوكي فارياتور ميخدمش خونا لذلك كان تيراج ماشي كيما يلزم و محسبناش الفرق لي لازم مي تهنا من تشاك و ديفو تاع لوجيار و منها جات في وقتها خدمنا حاجة أخرى و سلك خونا من فويت تاع الماء لي كانت قادرة تهلكلو المحرك حمد الله لي ظهرت و تريغلت و ربي يصلحلو إن شاء الله
لي عندو أي مشكل استفسار يتواصل معانا
أرقام الهاتف :
0696771881
0662393133

#ميكانيك 💙 #ترند

24/06/2026

#1.9 sdi
#الجزء 1
سلام عليكم ورحمة الله وبركاته سهرة اليوم نحكو على محرك ال 1.9 sdi و بعض المشاكل لي تواجه اصحاب سيارات حسب خبرتنا و تجربتنا راح نعطولكم لب تاع المشاكل ول حلول
نبداو بل مشاكل:
نبدا بمشكل تيراج لي يأرق بزاف اصحاب هذا المحرك من أسباب نقص تيراج في محرك ال sdi نبداو اولا
- بالكاتاليزور طبعا كيما نعرفو أنو محرك ال sdi محرك تنفس طبيعي يعني مفيهش توربو يعني لازم يريسبيري يجبد مليح الهواء يكون فلتر نقي دائما و ليشابمون لازم يكون مليبيري و طبعا اغلب السيارات بهاذ المحرك تمشي بزاف المدينة لافيل و فل كومبرومون يعني المحرك يدور بزاف رالونتي و طبعا كيما نعرفو جودة المازوت تاع بلادنا ماشاء الله 😁 رواح نتا و فريها و سبق و صرا لخاوتنا تكولماطا كاتاليزور و تسبب في نقص تيراج لانو غازات العادم تقعد محصورة داخل لاسيلاندري المحرك يولي ميقدرش يتنفس بسبب انو فتحات الكاتاليزور مغلوقة و أحيانا كي تطول الحكاية يقدر المحرك يغومي بسبب حرارة غازات العادم و قادم سيغمون يكلاطي و احيانا المحرك مينوضش بسبب تراكم غازات العادم لذلك يجب تبديله او حذفه تفيديه كليا متثقبوش نحيه كامل و يستحسن دير تيو في بلاصتو لانو اذا فيديتو و خليت القدرة هذيك متخليش غازات العادم تخرج بانتظام راح يصرا اختلال في سريان غازات العادم و طبعا محرك ال sdi فيه ميموار بوش bosch edc15 الجيل القديم تاع كالكيلاتور و مفيهش صوند فل كاتاليزور يعني مام تحذفو و تنحيه كليا مراحش يدير والو للكالكيلاتور متور
-المشكل ثاني تاع تيراج الي هوما ليزانجكتور طبعا ليزانجكتور تاعو سيستام ميكانيك مفيهمش اليكتريك الى واحد و فيه كابتور يقرا توقيت حقن السلندر ثالث باش الكالكيلاتور يدير حساباتو باش يعرف يدير لافونس و روطار للكالاج تاع لانجكسيون بعني توقيت الحقن للحصول على افضل أداء من المحرك و تقليل استهلاك الوقود طبعا جازو علينا بزاف حالات بسبب ليزانجكتور بسبب أنو السيارة تمشي بزاف المدينة لافيل و بسرعات قليلة و دورات محرك قليلة ليزانجكتور يتبوشاو و احيانا يروحلهم نيسيسار بسبب حرارة المحرك لانو يبقى يدور فل كومبرومون و يمشي بدورات قليلة ما يتسبب أنو لانجكتور يتبوشا لداخل و احيانا لا برودوي لا والو يقدر يسرحو ما يتطلب تغيير ليزانجكتور بسيري و هنا المشكلة هنايا سلعة غالية و قليل وين طيح في سيري شباب لذلك لواحد يتسرعش و يجرب قبل بسيري يكون مليح باس يتأكد شخصيا كانت عندنا سيري نجربو بيها سلكنا شحال من واحد جربنالو تأكدنا سلكناه من خسائر باطل لكن تمت سرقتها ركبناها في سيارة خليناهم للسيد باش يقدر يمشي بيها و يشري سيري نمونطولو سيري تاعو أيا مزادش ظهر ممبعد بعثلنا سيري ماشي كاع هو كي جربناهم مبغاوش ينوضو كاع و القدم كنا دايرين فيهم روبار مهم من هذا المنبر نقولو ربي وكيلك إن شاء الله تخلصهم في سيارتك و حتى بعض زبائن دعاو عليك باش تعرف مهم لذلك لي عندو بولو يسرحها فطريق ميمشيش غير مدينة أحيانا نهاية الاسبوع اخرج لوطوروت سرح مليح طلع ريجيم خلي الوسخ يخرج خلي ليزانجكتور يبيسيو مليح باس ميتراكمش عليهم الوسخ برا و داخلهم
ما ياخذنا كذلك
- للمشكل ثالث لكذلك احيانا لابومب انجكسيون كذلك تنقص تيراج بسبب انو نيسيسار تاعها يفشل لداخل تولي مطلعش مازوت مليح ما يتسبب بنقص تيراج لذا يتطلب تبديلها هذا المشكل اذا ما سييت ليزانجكتور و بقا تيراج ناقص لتم عليك و على تبديل بومب انجكسيون و لازم تكون ريفيرونس 724 و تكون مليحة و مشرية ثقة ولا منحية من محرك كان يمشي مليح
مهم نروحو
- للمشكل رابع الكالاج تاع حزام توقيت هذا كذلك يدير مشاكل فل تيراج مام يكون كلش جديد تكون مديكالية تنوض لكن تنقص تيراج و كيما نعرفو كالاج تاع البولو صامط و غلطة صغيرة تزير طوندور احيانا متكونش راخف البينيون داربراكام راح يدورلك الفيلبروكان ملتحت و تطوندا لاشان و تديكالا لسعرة تنقص تيراج ديجا تحس صوت المحرك احرش شوي يعيط تقول لادميسيون راح مفتوح شوي ولا فلتر مهوش راكب مليح لذلك رانا هدرنا على كالاج تاع حزام توقيت تاع ال sdi و صورنالكم لي روبار و كيفاش يتكالا الخ و للعلم لاربراكام مفيهاش كلافيطا هي ولا البينيون تاعها لذلك صانع دارو هكذاك باش تليبيري البينيون داربراكام لانو فيلبروكان يتحرك ملتحت كون متليبيريش لذلك لازملو تركيز و نروحو
- للمشكل الخامس الي هو ريغلاج تاع لابومب انجكسيون الي شحال من ناس بدلو ميتين الف سيري تاع ليزانجكتور دارو لي برودوي كالاو عاودو كالاو لكن الريغلاج تاع لابومب انجكسيون الي هو كالاج دانجكسيون و كونتيتي انجكتي مراهمس مريغليين و طبعا يتريغلاو ميكانيكيا بل يد لكن لكي تكون دقة و نتيجة مليحة لواحد يريغلي و يتبع لي فالور بل سكانار طبعا حنا نريغليوهم بزاف و حافظين لي فالور شحال و حتى احيانا كي يكونو ليزانجكتور ناقصين نتحلبو في غالب الاحيان فلي فالور ول منوض و طريق لي فالور شحال يطلعو نتحلبو لا مشكل ليزانجكتور ولا شيئ آخر ولا بومب انجكسيون ولا شيئ آخر لذلك لازم دقة و افضل جهاز سكانار نخدمو بيه هو VCDS لي يعطيك لي فالور ول أرقام بدقة و ميغلطكش و نروحو
-للمشكل سادس انجكتور بيلوط لي طبعا كيما حكينا يخدم مع لابومب انجكسيون و يعطيها توقيت الحقن لاش تعرف شحال تدير لافونس لانجكسيون و شحال تخليها باش تمد كمية معينة من المازوت احيانا لانجكتور هذا يفسد بارتي اليكتريك تاعو تولي السيارة في حالة مود ديغرادي تورمينوت ميفوتش 3000 و احيانا تحسها تقول تريبتي ولا فيها ليميتور و أحيانا تدخن دخان ابيض و طبعا روصور يشطل و تخرجلك ديفو g80 pointeau singal implausible يعني سينيال مهوش كيما مبرمجة عليه الميموار
و احيانا يكون احد الخيوط الازرق او رمادي مقطعين و يوجد هناك خيط ثالث اسود لكن فلافسش فلانجكتور و فشيما يوجد زوج خيوط رمادي و ازرق فقط لذلك هذاك الاسود يقعد منحي مهم يخرج فل سكانار اي خيوط مقطع يعطيك موجب ولا سالب و نتا حوس فل شيما شكون الموجب و سالب و أحيانا يكون مديرو فل فيشة تاع لانجكتور ايهم الموجب و ايهم سالب و تبع و حتى كي يتقطع احد الخيوط تدخل الكروسة مود ديغرادي تولي متسمحلكش تريغلي لابومب انجكسيون كوتي بينيون تقعد فيكس فل 38° و حتى فل طريق في فالور ميطلعوش يعني تقعد لابومب انجكسيون فيكس مدير لا افونس لا روطار ما يخلق نقص في عزم المحرك ول قوة و نروحو
- للمشكل سابع البابيون مبلوكي بوزيسيون غالقو طبعا في محرك ديزل البابيون حتى و تنحيه كليا الكروسة تكسيلسري لانو محرك ديزل ميحتاجش يخلق ديبريسيون باش يسحب الهواء و يحقن ليسونس لانو شوط محرك ديزل طويل بسبب انو البيالة و لي بيسطون يجو كبار لذلك يكون عندو عزم كبير و يسحب الهواء بقوة من لادميسيون ميحتاجش كيما محرك ليسوني لانو ديزاين و فلسفة المحرك مختلفة مهم البابيون في محركات هذو مديرو باش كي تنوض يقعد فاتح لحد ما تطفي المحرك يغلق البابيون باش المحرك ميزيدش دورة زيادة و يردح لازم كي يطفى يغلق لادميسيون المحرك يطفى فل حين يحبس بسبب انو راك مبوشي لادميسيون ميزيدش يدور ذيك ربع دورة تحس المحرك شغول خبط خبطة هذيك الخبطة تأثر على لي سيبور متور مهم البابيون هذا فيه كوتي اليكتريك محرك كهربائي صغير و كوتي ميكانيك فولي بابيون يتم تحريكه بواسطة المحرك الكهربائي عن طريق مسننات احيانا يحدث خلل فل مسننات تتكسر او المحرك الكهربائي او خيوط تاعو فل فيصو متور يماصيو يولي البابيون يبلوكي غالق طبعا أحيانا يغلق كليا يطفى المحرك و احيانا يبقى فاتح شوي لكن يغم المحرك ميخليهش يجبد الهواء مليح قادر احيانا كي يكون المحرك فيه كومبريسيون مليح مزير لداخل قادر سيغمون يتكسر بسبب انو لادميسيون مغلوقة و نروحو
- للمشكل ثامن ول أخير الي هو مانو تاع لادميسيون و هو حساس قراءة درجة حرارة هواء الداخل للمحرك مهوس ديبيماتر كيما فل tdi ديبيماتر فل tdi فيه جزئين واحد يقرى درجة حرارة الهواء داخل للمحرك و يقيس كثافة الهواء داخل للمحرك لكن في محرك ال sdi مكاش توربو يعني يقرى غير درجة حرارة الهواء و احيانا يتقطعو الخيوط تاع المانو هذاك او يتحرقلو ريزيسطونس تاعو او تديسودا او تطير كاع تولي ميموار تمد درجة حرارة عالية جدا كي تقراها بل سكانار تخرجلك 138° واش يصرا تدخل مود ديغرادي تنقص من كمية ضخ الغازوال و تغلق لوجيار باش تنقص سواديزون درجة حرارة المحرك لانو تقرا بلي درجة حرارة برا راهي عالية مما راح مثلا يخلق درجة حرارة عالية في سائل تبريد هي تدير بروتيكسيون حماية للمحرك تولي تدخل مود ديغرادي و هذا يخلي السيارة مخنوقة فل تيراج و صوت المحرك يعيط شوي تقول لادميسيون مفتوحة و درجة الحرارة فل طبيعي تكون بين10 ل 35° حسب درجة حرارة الجو برا
نتمنى نكون فدتكم و لو شوي و مرة لجاية نحكو على مشكل آخر هذه المرة حكيت على تيراج بويسك علابالي بزاف يعانيو من تيراج تقريبا 70% من لي بولو كاع ناقصين تيراج لانو سبق لي و سقت بعض لي بولو صدقوني مشية تاع تنفس طبيعي و ديزل تيراج ربي يبارك صدقوني يا فطلعة ال 1.4 mpi ممشاش معايا و ماشي عصير تورمينوت فل 2500 3000 نرمي فيتاس لو ناكتيفي مود الهبال تشوف ريجيم فل 4000 نقدر نقولك 1.6 mpi نطلع معاه فطلعة فل بالي منحكوش ال مازوت كي يفوت يعمر مليح و زيد اا sdi فيه بواطة موايان مراهي قصيرة مراهي طويلة يعني تعمارة فطلعات يعمر مليح يطلع مليح و فل بالي يجيب حقو مقارنة بقوة 64 حصان كي نقارنو مع 82 1.2 3 cy تاع فابيا ولا 1.4 mpi 75 يمشي أحسن منهم بسبب العزم تاعو و انو محرك ديزل سريع الاستجابة معروف محرك ديزل استجابتو لاكسيليراسيون قريب لحظية عكس محرك البنزين هذا راجل للتصميم و طبيعة الاحتراق محرك ديزل يكومبريمي من يحقن مازوت من يتحرق ميحتاجش شمعة اشتعال و قوة احتراقو عاليو بكمية وقود أقل و ثقل قطع داخلية يعطيه تفوق كذلك فل عزم
و ملاحظة: كاين لي يبرمج البابيون باش يبقى غالق قريب للوضعية الكاملة لماذا اذا كان المحرك يفور ولا يطرق و منا تغلق لادميسيون بواسطة البابيون راح يولي يجبد الريح من رونيفلور يعني البخار هذاك و تطراش راح يروح من المحرك لانو راه يجبدو من الرونيفلور هذه حيلة شتها بزاف ناس تتحشالهم يقولك المحرك تاعي ميفور ميطرش لكن ينقص زيت لذلك حنا دائما نحو لافيش تاع البابيون باش نعرفو المحرك صحتو كي نفتحو لاجورج للن العفسة تاع البابيون هذي تغلطك و ربي يهديهم هذو لي راهم يديرو العفسة هذي باش يبيعو على اساس المحرك ميفور ميطرش مينقص رواح نريفيزيلك المحرك ببياس اصلي تشوف قطرة تاع تفوار متشوفها و راهم جايين قريب منشورين سيارتين وحدة 1.9 sdi و وحدة 1.9 tdi تشوفو تفوار كيفاش قبل و بعد ريفيزيون و تشوفو حالة المحركين قبل و بعد تشوفو سيلاندري كيغاش طالعة و لابياس غير لحاجة الأصلية لي تعذبنا باش.جبناهم علابالي راح تتمتعو و سمحولنا على الإطالة و كملو معانا فل أجزاء القادم رام نغطيو كل مشاكل و حلول محرك ال sdi و ننتقلو للمحركات الأخرى وحدة بوحدة من اشهر المحركات للاقل شهرة بشوي
و دعمونا شوي بل بارطاج و لي مهوش الوني يابونب باس يلحقو جديد

#ميكانيك 💙 #ترند

24/06/2026

خاوتنا اصحاب البولو 1.9 sdi ماذا لو نديرلكم منشور حول بعض مشاكل ال 1.9 sdi و كيفية تجنبها ووو واش رايكم وشنو وجدو نواظر و كاس اتاي للسهرة ليوم 😁

23/06/2026

سلام عليكم ورحمة الله وبركاته
من اعمالنا الفترة سابقة زيارة خونا صاحب سيارة هذه موديل فولكس فاغن جيطا الجيل الخامس A5 إلي يتشارك شاصي غولف 5 و باصات b6 مهم هذه الجيطا جات بمحرك 1.9 tdi 105 كود متور BXE خونا سبق و حجز موعد عندنا ثم جا زارنا من تونس شقيقة من أجل بعض المشاكل لي واجهاتو نذكر منها
-مشكل تقربيع ملفوق فلادميسيون
-فويت زيت ملفوق
-تشاك انجن شاعل
-رحي تاع رولمون
- تقربيع فل سيسبونسيون و سيارة تلعب شوي ملقدام
-شوي مونك تيراج و احيانا تكوبي فل 120 130
مهم خونا وفر سيسبونسيون جابها معاه لي روتيل سيسبونسيون ديريكسيون و رولمون و لباقي وفرناهولو قطع غيار أصلية
نذكر منها :
-كيت دوشان ماركة inna
-مضخة ماء ماركة dolz
- سيري لي بوسوار (×8)
-جوان سبي اربراكام
مهم باشرنا باش نصربو عصفورين بحجر حطينا السيارة فل كالاج نحينا لاشان باش نبدلو لي بوسوار أيا صبنا واحد المشكل سبق و ذكرناه و يصرا بزاف في محركات tdi الى و هو كاين واحد البية تجي فلارومب تاع ليزانجكتور تاع محركات ال injecteur pompe هذي البية أحيانا تطير نحكو غلى الغريساج هذيك لارومب ما الغاية منها هي لي تقوم بالضغط على ليزانجكتور باش الانجكتور داخل يقوم بضغط المازوت بقوة ميكانيكية و هذيك لارومب يتم تحريكها بواسطة كامات زايدين فلابراكام لانو فيها كالاج توقيت متى يتم ضغط المازوت داخل لانجكتور لتحصيره لكي تفتح البوبينة لكي يخرج بضغط يصل ل 2000 بار و هذيك لارومب بما انو تدور مع لاربراكام عندها سيركوي داخلها تاع غريساج تزييت باش تزيت باش متضرش لي كام تاع لاربراكام ايا فلارومب هذي كيما قلنا فيها بيات وحدة من يمين و وحدة من اليسار عملهم يخلو زيت يدخل بضغط معين أيا احيانا يخرجو من مكانهم واش يصرا يولي زيت يخرج بكمية كبيرة لتم داخل لارومب و على لي كوتي هذوك لانو مكاش حاجة تخلي زيت يبقى بضغط معين واش يصرا كي يولي يجوز زيت بارياحية بنقص ضغط زيت بتالي لي بوسوار معندهمش ضغط الكافي باش يبقا و يعمرهم لانو ضغط هذاك راه يروح يخرج من لارومب تاع ليزانجكتور تاع لي دوا أيا يكلاطيو بي بوسوار بسبب نقص تزييت المهم ريغلينالها المشكل عاودنا موديفيينا bague مغلوقة داخل لانو يجو مغلوقين هذوك لي بي ايا عاودنا غلقناهم و كبعا حطينا سيري تاع لي بوسوار جدد ممبعد ركبنا لارومب ممبعد ركبنا مضخة الماء الجديدة و ركبنا لي ڤالي جدد طوندور جديد سبتة لي هي حزام توقيت فيريفيينا كالاج كاليناها زيرنا كلش نوضناها ناضت نقرة ممبعد ريغلينا لونغل تاع لاربراكام angle synchronisation فل 0° ممبعد درنا للفويت عاودنا جوان كاش كيلبيتور و جوان سبي اربراكام طبعا و عاودنا نقينا الكور تاع لوجيار و صبناها تفويتي زيت خدمالنا جوان مليح و رونفورصيناه بطبقة خفيفة سيليكون و حذفنا لوجيار ميكانيكيا و نحينا كاع روفرواديسور دوجيار ممبعد درنا للحذف الإلكتروني كيما لعادة درنا ماتريال تاعنا برونشيناه قمنا بعملية القراءة بواسطة جهاز ال kess ثم قمنا بقراءة الملف و تعديله و حءف لوجيار و اعطالها ثم قمنا بإعادة وضع الملف المعدل حمد الله تمت العملية بنجاح بدون اي أضرار او أخطاء حمد الله قمنا بمقارنة لي فالور تاع لوجيار بواسطة جهاز ال VCDS فل مجموعة رقم 3 خرجت بعد الحذف 95% يعني تم الحذف بنجاح لكن الواحد يتأكد أحسن ثم درنا للسيسبونسيون نحينا رولمون القديم و ركبنا جديد بدلنا لي روتيل سيسبونسيون ديريكسيون تستفت السيارة ممبعد قمنا بنصح خونا بما أنو عندو محرك ال BXE أنو يقوم بتغيير لي كوسينيي تاع لي بيال قبل فوات الأوان رغم أنو محرك محطوط عندو في بلادو يعني بعد شراءه سيارة قام بتغيير المحرك و صبنا لي كوسينيي ناقصين تعذر عليا إيجاد صورها سامحونا قمنا بتغييرهم بلي كوسينيي جدد من ماركة KS الاصلية طبعا و المعروفة الغنية عن تعريف مكاش افضل منها هي الافضل في قطع الغيار الميكانيكية سعرها غالي لكن جودتها و سمعتها افضل من أي سعر ارخص خاصة فل قطع الحساسة كيما لي كوسينيي لواحد ميلعبش يزيد شوي و يجيب حاجة اصلية خير من لي يخسر دومي متور ملتحت و يكولي لا قدر الله مهم درنالها زيت جديد 5w40 بما انو كوسينيي جدد بوسوار جدد جربناها تحسن تيراج و راح بيها خونا فل عودة مشا بيها روداج ممبعد بدا يسرحها بشوي ولات تحسن تيراج تاعها لكن بقات تكوبي فل 160 170 عطينالو لخونا موعد آخر بعد مدة إن شاء الله نكملولكم المشكل الأخير لانو كي نحينا لوجيار باش نقو صبنا زيت فلي دوريت بما يعني انو توربو ناقص و بعد تجربة و قياس ضغط توربو بل سكانار ظهر انو هناك نقص في ضغط توربو بما يعني انو توربو ناقص علمنا خونا لكن كنا و كان خونا محصور بالوقت باش يرجع لذلك تعذر علينا نزع توربو و اعادة تبديل توربينة الخ لكن حمد الله خرجت السيارة بتحسن و نشكر خونا لي دار فينا ثقة الكاملة في رزقو خلاه و وفرنالو كل واش يلزم و بجودة عالية و حمد الله راح فرحان بنتيجة و خونا مبخلش سيارتو حاجة لي جانا فيها شك و طلبنا تغييرها خونا عطانا الضوء الأخضر يعني مبخلش سيارتو لانو اذا بخلها هي لي راهي تديه و تجيبة خاصة فل محرك لواحد يصرف احسن من لي يولي غدوة من غدوة في خدمة كبيرة مهم ربي يصلحلو و ربي يعوضو و ربي يباركلو في رزقو و قريبا نزيدو كي تزورنا نخدمولها توربو نزيدو نخرجو بيها للطريق نورولكم تسارع تاعها ول مشية تاعها ربي يبارك و نتمنى مطولتش عليكم بزاف و يامات نجوكم بلي فيديو تاع شرح أحسن و أحسن من الجرائد هذو 😁
لي عندو اي استفسار مشكل يتواصل معانا فل خاص ولا يخلي ميساج واتساب
و في هذه اليامات هناك احتمالية تاع ديبلاصمون سكانار و حتى ميكانيك لكن صاديبون الوقت لكن لي عندو طارئ اونبان ايرجون نقدرو نتنتقلو و لي مقدرنالوش يعذرنا و ربي يحفضكم
أرقام الهاتف:
0696771881
0662393133
#ميكانيك 💙 #ترند

20/06/2026

سلام عليكم ورحمة الله وبركاته من سيارات لي خدمناهم مدة ليفاتت البولو هذي تاع خونا كي لعادة بسبب ردائة و تقليد قطع الغيار و خاصة المهمة مثل حزام توقيت الي مسؤول على توقيت المحرك في سحب الهواء و ضغط الهواء و شوط الاحتراق و شوط العادم اذا صرا عدم توقيت ممكن متنوضش سيارة و اذا ناضت دورة المحرك تكون مختلة في بعض المحركات تقدر حتى يكون ديكالاج لضرسين و تقدر تنوض سيارة في مثل محركات ال sdi بحقن مباشر بواسطة مضخة حقن بوش الكيتريك لكن تفقد قوة المحرك و عزمه المهم هنا خونا بدل لاشان هذي حزام توقيت من كونتينونتال لكن طاح في سلعة مدرحة لي سبق و هدرنا عليها و نوهنا عليها الي تجي ملمس تاعها املس و ليس احرش و مشا بيها 1000 فقط و تقدرت و تقطعت كيما راكم تشوفو جابهالنا فل ديباناج غير لحقت دخلناها نحينا كاش كيلبيتور صبنا كارثة لي صوباب خرجو حفرو البوسوار يعني قاسو فلي بيسطوات لي صوباب و بقوة كذلك مهم طيرنا الكيلاص صبنا لي صوباب تعوجو 6 الى زوج و صبناهم ناقصين مهم لي بوسوار تحفرو و خرجو لي صوباب في وسطهم كارثة تنحتو لي بوسوار لوهريت بصعوبة الى بقا زوج محبوش يتنحاو حتى سودينالهم يولونات و نحيناهم باش قدرنا نحيو كلافيطات باش نحيو لي روصور لي تقاسو هوما ثان تكسرو زوج لي ثقبو فيهم لي صوباب لي بوسوار حمد الله لاربراكام مصرالها والو و حمد الله البيسطون و لي بيال متقاسوش لأنو في بعض الحالات كي تكون سيارة مسرعة و rpm عالي يقدر حتى يتكسر البيسطون او تتعوج البيالة و قادر تتقسم و تخرج من البلوك في اسوأ الحالات المهم ربي ستر خونا قمنا بمراجعة البيسطون و زدنا فيريفيينا سيغمون سبناه بلي مبدل من قبل لا حاجة لي تبديلهم لأنو في حالة كينا هذي تحتاج لتبديل لي صوباب كلهم و لي بوسوار جوان دغيد صوباب راح تقوى لاكومبريسيون بتالي اذا كان سيغمون نص عمر او اكثر و كان ضعيف و رقيق بسبب تآكل راح يقدر يكلاطي يتكسر بسبب لاكومبريسيون لي ترجع بقوة للمحرك لذلك ممسيماش لي سيغمون خلينا القدم بعدما فمنا بقياسهم و مراقبتهم مهم جبنا جو صوباب جو بوسوار جو جوان غيد
ركبنا لي صوباب روديناهم بدلنا لي روصور لي نضرو هوما و لي كلافيط لي تكسرو و ركبنا جوان غيد جدد فل ايرلينغ مع بوسوار فل إينا inna ثم جبنا جوان كيلاص جديد ايرلينغ ركبناه حطينا لاكيلاص زيرناها ممبعد جبنا كيت شان من شركة inna فل كيت مستحيل طيح في المدرح و فل inna مزال مطحناش فشان وحدها الى نادرا و كلهم اصليين و فل كيت رانا مركبين الآلاف منهم مكاش روتور طبعا فل كيت اذا مبدلش لاشان صاحب محل قطع الغيار مكاش كيفاش طيح في عيانة مهم ركبنا الكيت كومبلي كاليناها طوندينا كوندور زيرنا كلش ايا طلعنالها مازوت بل بومبات بارجينا ليزانجكتور كي جينا نوضو مبغاتش تنوض والو بل فليت و مبغاتش أيا عاودنا توسوسنا من الكالاج صبناه سوا سوا لابومب انجكسيون قلنا بالاك كانو خاربين فيها و خلطو ديكالاج الكرو تاع البينيون تاعها ايا عاودنا كاليناها بلا goût كيف كيف أيا لحق بينا ليل كروشيناها و مبغاش تنوض عاودنا طلعناها سطاسيونيناها غد مينذاك صبح جانا في راسنا ماذا لو البابيون مبلوكي بوزيسيون غالقة ممكن يصرا كومبارازار رحنا ليه صبناه مغلوق فتحنا الفولي تاعو ضربنا ضربة ديمارور ناضت قالت راني هنا ناضت تكليكي شوي بويسك زدناها لافونس قلنا بالاك كان فيها روطار مهم ممبعد خليناها دور بارجات سائل تبريد فيريفيينا مكاش لي فويت سخنت مليح للدرجة المثالية ريغلينالها لابومب انجكسيون فل توقيت تاعها المثالي دربنا بيها دارة كلشي ربي يبارك مام تفوار فل محرك مكاش لا تفوار لا تطراش حمد الله عيطنا لخونا جا استلم سيارتو حمد الله هكذا والا كثر ربي يعوضو لكن دائما نوهو على حزام توقيت الاصلي متصيبش كمل بل قديم الاصلي زيد لا شتا شهر شهرين 1000 2000 حتى 5000 فوق وقتو و متشريش للمدرح ولا اشري كيت ديراكت احسن و افضل منها تتحصل على حزام أصلي و منها تبدل لي غالي و طوندور احسن لك و تربح ماندوفر وحدة احسن من لي كل مرة تفتح تبدل حاجة و لي حب نوفورو كيت شان او حتى شان وحدها متوفرين لاشان راهي قليلة شوي لكن الكيت كاين عدة محلات نتعاملو معاهم يوفرونا الكيت فلي ماركات الاربع
Inna
Continental
Hepu
Syncronix
لي غندو اي مشكل يتواصل معانا واتساب او هاتف او فل خاص
0696771881
0662393133
و لي خصو اي قطع غيار يتواصل معانا نوفروهالو مع إمكانية توصيل عبر مكاتب التوصيل او توصيل عبر دراجات
مرحبا بل جميع نحن في الخدمة
#ميكانيك 💙 #ترند

10/06/2026

الورشة في حالة غلق مؤقت لحين إيجاد ورشة اخرى الحاضر يعلم الغايب
و لي عندو بريكول خفيف نريغلوه مكاش مشكل لي عندو بريكول ثقيل يسمحلنا و يصبر لحتى نستقر في ورشة جديدة و ادعولنا بتوفيق

27/05/2026

عيد أضحى مبارك للجميع كل عام و انتم بخير تعيدو بل صحة وهناء و لعقوبة للعالم الجاي ان شاء الله

15/05/2026

عليكم ورحمة الله وبركاته
جمعة مباركة للجميع
كيما عودناكم مع المشاكل تاع الميكانيك هذه المرة كيما كثير مرات مع البولو 4 phare او المسماة بال 9N بمحرك الاسطوري دبابة الميكانيك بانظمة الشاحنات نظام حقن البومب انجكسيون روتاتيف لي سبب نجاح المبيعات في نوع المحركات هذا خاصة في البومب انجكسيون اليكتريك المهم هذه للبولو بمحرك الاسطورة 1.9sdi 64ch جاه فيه مشكل فيبراسيون فرالونتي و لاكسيليراتور ثقيل و المحرك يفيبري و دخان ابيض قاوي
الاحتمالات الممكنة:
-انجكتور او زوج مبلوكيين
-مشكل فل بومب انجكسيون فنيسيسار داخل الي مسؤول عن الحقن
-تيوات تاع ليزانجكتور مبوشيين
-بوسوار مكلاطيين
-صوبابة مبريدية
تشخيص الأولي :
أظهر انو هناك عدم احتراق في السلندرين الأول و ثاني
جربنا بومب انجكسيون أخرى بقا نفس المشكل و نفس الأعراض
جربنا سيري ليزانجكتور أخرى نفس الشيء
نحينا دوريت تاع فلتر الهواء لا يوجد صوت لخبطة تاع بوسوار او صوباب مبريدية حتى كي تنحي لاجورج لا يوجد تفوار ولا تطراش يعني دومي تحتاني سليم 😁
واش تفترضو المشكل حتى حنا مجاناش في بالنا و نادرة وين تصرا و جامي تلاقيت بمشكل مثل هذا ولا واحد صرالو مشكل نفسو
المشكل لي وقع :
بعد ما فرطتما لاكيلاص قررنا نحيو لي صوباب نفيريفييوهم صبنام روصور صوباب مكسرين في زوج لي سلندر لي فيه ديفو ميحرقوش يعني صوباب تهبط يرجعها للبيسطون ربي ستر متكسرتش راس صوباب و دار كارثة خونا غير دارتلو المشكل رفدها فديباناج و جابهالنا مزادش مشا بيها حمد الله نحينا لي صوباب كاع صبنا عدد منهم ناقص بدلناهم كلهم بيهم بلي روصور
روديناهم حطينا سيري بوسوار جديدة لانهم القدم تنظرو و صبناهم ناقصين نحيحا لي بيسطون فيريفييناهم ملاح مع سيغمون مزال جدد دومي تحتاني يبان محطوط لأنو نقيي ربي يبارك سيلاندري انديزيام مهو ناقص السيغمون القديم مزير و بيسطوات جو مفيهم كيما تشوفو ول محرك خونا شرا سيارة هذي عندنا 11 سنة إستعمال مفتحش المحرك ربي يبارك بعد ما قلبنا دومي تحتاني صبنا بلي كلش مليح محبيناش نعاودو اي قطعة بويسك المحرك سليم ملتحت حتى سيغمون كي قسناه و شفنا حالتو محبيناش نبدلوه لانو سليم و قررنا نخدمو غير دومي فوقاني لي هو الكيلاص و جبنالها جوان كيلاص جديد زيت زيت جديد حطينا لاكيلاص زيرناها بل كوبل سيراج تاعها حطينا لاشان فل كالاج زيرنا كلش عمرنالها زيت نفطال تاع البيدون بارجينا ليزانجكتور حمد الله ناض المحرك دخن شوي ممبعد صطابلا شد روحو عمرنالها الماء باش نشوفو مكاش حتى فويت خليناها دور ممبعد جربناها فطريق مشينا بيها مدة ممبعد فيريفيينا سلامة المحرك حمد الله ميخرجش لا يفور والا والو ممبعد داها خونا مشا بيها مدة عاود رجعها درنالها g12 و بدلنا زيت جديد و راحت تمشي لحد الآن راهي ماشاء الله فطريق لا تفوار لا سخانة لا تطراش و حمد الله المحرك منع و ربي يصلح لمولاها و ربي يخلف عليه حق الخسارة
لي عندو أي مشكل استفسار يتواصل معانا فل خاص ولا يتصل عبر الهاتف ولا يخلينا ميساج فل واتساب
رقم الهاتف:
أسامة: 0696771881
خالد : 0662393133
جمال : 0661284952
مكان العمل: باب الواد رابح بيصاص طريق سيدي بنور بجانب محل سوشي
https://maps.app.goo.gl/SkZohWWMJ9gGrrU69
و بارطاجيو معاكم المنشور باش لي عندو مشكل ممكن نفيدوه بتجربتنا ممكن يوقعلو نفس المشكل و ديرو متابعة فل صفحة باس يوصلوكن منشوراتنا و نتمنى راكم تستفادو منا
#ميكانيك 💙 #ترند

VAG scan programmation

26/06/2026

26/06/2026

24/06/2026

24/06/2026

23/06/2026

20/06/2026

10/06/2026

27/05/2026

15/05/2026

Address

Telephone

Website

Alerts

Contact The Business

Shortcuts

Share