20/06/2026
بوست صامت بعيداً عن الخناقات 😁 #كارتيرة
لو تعرف حد معاه توسان فا كأنك تعرف حد معاه مكلارين سنا بزبط 😃.
اكيد مستغرب من الكلام بس قبل ما تقول دا متقل في السحور و جاي يطلعه علينا تعالى نفتكر النقطه بتاعت المكلارين سنا كانت بتقول ايه. https://bit.ly/3fVyQ9J
السنا كانت فيها مشكله ان الهوا الي طالع من الشكمان بيبقا سخن زياده فا علبة البيئه تسخن لحد ما تولع.
طب ايه علاقة دا بعربيه كل ما تسأل حد عليها يقولك دي بتجيب موتور و علبة بيئه ولا هو رمي بلا عالناس و خلاص🧐.
لا يا سيدي انا هفاجأك ان التوسان ولا موتورها وحش فا بيبوظ ولا علبة البيئه بيجيبوها مستعمله عشان احنا دول عالم تالت ولا الاضطهاد دا.😅
التوسان بكل بساطه مشكلتها في السوفت وير زي المكلارين بزبط , الشكمان بيطلع هوا سخن بزياده بيروح على علبة البيئه, علبة البيئه تسخن بزياده تبتدي تخلي الback pressure يزيد و حتت من جواها تخش على غرف الحريق. و خد راجع النقطه دي عشان تفتكر ال Back pressure
https://bit.ly/2X2ng3X
. يقعد البستم عايز يزق الهوا الي لسا حارقه بره, و الهوا الي بره عايز يخش جوا
*مشهد طلعوني طلعوني دخلوني دخلوني في lion king * 😁
اللي حكيناه دا يعمل ايه؟ أول حاجه هتحس بأستهلاك أعلى في البنزين و ضعف في السحب و ممكن تحس الموتور مش على بعضه كدا . لو عليت الأغاني و طنشت و قولت ان شاء الله خير في اللحظه دي مش هيكون خير يا أستاذي العزيز لأن و انت بتسقف مع الأغنيه هتلاقي الموتور بيسقف معاك معلناً نهاية فترة خدمته و للأسف هتضطر توقف الأغاني وتطلب ونش.😅
لو مهتم تعرف ايه الي بيحصل فا هو غالباً بيكسر البي ال “connecting rod” الي بيوصل بين الكرنك و البتسم
بس على الجانب المشرق عالأقل العربيه مش هتحاول تعمل منك بطاطس محمره و تولع زي السنا. *مع ان نظرياً ممكن*
و من النوادر ان غبور يتفوق على توكيل مكلارين و هو من نفسه بيطبق الأستدعاء الي هيونداي قايله عليه. يعني و انت رايح الصيانه عادي كدا هيشوف الأول عربيتك من الشاسيهات الي معمولها أستدعاء ولا لا, بعدين يحمل السوفت وير الجديد الي مبيخليش هوا الشكمان يسخن للدرجه الي تبوظ علبة البيئه و يكشف على العلبه لو باظت يغيرها و لو الشورت بلوك اتأثر بردو بيتغير في الضمان.
و بكده شوفت ان مصائبُ مكلارين عند غبورٍ فوائدُ و الحمد لله تقدر تقارن التوسان بالسنا راس براس كدا عادي.
لو حابب تقرا التقرير بتاع الأستدعا بتاع الموتور دا اللينك : https://bit.ly/3bKOYaZ
و لو مفهمتش حاجه انزل اتخانق معانا في الكومنتات عادي 😃
#كارتيره
#بتنقط
