CIFP As Mercedes

05/06/2026

No CIFP As Mercedes queremos abrirche as portas para que descubras todo o que a Formación Profesional pode ofrecerche.
📣 Mañá sábado 6 de xuño celebramos as nosas Xornadas de Portas Abertas, unha oportunidade perfecta para coñecer o centro, visitar os talleres e vivir a FP desde dentro.
🕙 Quendas dispoñibles:
➡️ 10.00 h
➡️ 12.00 h
Que atoparedes?
🔹 Instalacións e talleres especializados.
🔹 Proxectos reais e innovación tecnolóxica.
🔹 Información sobre admisión e matrícula.
🔹 Profesorado e alumnado dispostos a resolver todas as dúbidas.
📍 CIFP As Mercedes – Lugo
Achégate, pregunta, descubre… e imaxina o teu futuro connosco.

04/06/2026

Hoxe tivemos o pracer de ter no noso centro a Héctor Salvador, o único español que se sumerxiu na Fosa das Marianas e que recentemente foi condecorado coa Gran Cruz ao Mérito Naval.

El é enxeñeiro aeroespacial e actualmente adícase a pilotar sumerxibles, realizando investigacións científicas mariñas arredor de todo o mundo.

A charla de hoxe foi moi motivadora porque ademais de tratarse dun fito histórico, viña da man dun lucense. Moitas grazas Héctor por adicarnos o teu tempo e compartir con nós esas historias tan marabillosas.

03/06/2026

Onte realizamos, en colaboración co CIFP Politécnico de lugo , o parque de bombeiros de Lugo e a Cruz Vermella , un simulacro de accidentes de tráfico con tres posibles escenarios.

O alumnado de ambos centros tivo a oportunidade de por en práctica as técnicas aprendidas nos diversos módulos do curso.

Este simuladro serviu para salientar a importancia da colaboración dos diferentes servizos de emerxencia nunha situación real.

25/05/2026

No CIFP As Mercedes queremos abrirche as portas para que descubras todo o que a Formación Profesional pode ofrecerche.
📣 O sábado 6 de xuño celebramos as nosas Xornadas de Portas Abertas, unha oportunidade perfecta para coñecer o centro, visitar os talleres e vivir a FP desde dentro.
🕙 Quendas dispoñibles:
➡️ 10.00 h
➡️ 12.00 h
Que atoparedes?
🔹 Instalacións e talleres especializados.
🔹 Proxectos reais e innovación tecnolóxica.
🔹 Información sobre admisión e matrícula.
🔹 Profesorado e alumnado dispostos a resolver todas as dúbidas.
📍 CIFP As Mercedes – Lugo
Achégate, pregunta, descubre… e imaxina o teu futuro connosco.

22/05/2026

O alumnado do ciclo de Emerxencias e Protección Civil, en colaboración co parque de bombeiros de Lugo, realizou prácticas de uso de bomba centrífuga dos vehículos de extinción en alta e baixa presión.

Moitas grazas pola vosa axuda!

15/05/2026

📢 O vindeiro 29 de maio ás 16:30 h celebraremos no salón de actos do CIFP As Mercedes a Xornada de Acollemento de Probas Libres.

Nesta sesión ofrecerase información importante sobre o desenvolvemento do proceso, requisitos e aspectos clave das probas.

Lembramos que a asistencia é obrigatoria para todas as persoas participantes. Contamos convosco! 💙


Podes consultar horarios e programacións das probas libres, aquí: https://drive.google.com/drive/folders/1McDrPSpYTprVmzJuHwn8q1u5dgFCSJhe

15/05/2026

15/05/2026

Xa está lista a nosa aula tecnolóxica de Comercio e Márketing: Retail Lab 4.0 ✨

Trátase dun proxecto de aula multidisciplinar no que o alumnado aprende nun espazo que funciona como unha tenda real, un laboratorio creativo e unha contorna tecnolóxica aplicada ao comercio.

O Retail Lab 4.0 permite traballar escaparatismo, visual merchandising, comunicación comercial, creación de contidos, atención á clientela, xestión do punto de venda e análise da experiencia de compra. Todo isto nunha aula flexible, pensada para experimentar, probar ideas e conectar a formación coa realidade profesional do sector.

As clases xa comezaron e moi pronto poderedes ver os primeiros escaparates e propostas creadas polo alumnado 👀

Onte recibimos a nosa primeira visita de profesorado procedente da USC de Lugo. ¡Gracias polo voso interese!
Se algún outro centro, empresa ou persoa interesada quere visitar a aula e coñecer o contido tecnolóxico que incorpora, pode poñerse en contacto co Departamento de Comercio e Márketing do CIFP As Mercedes.

14/05/2026

Durante a súa estadía en Helsinki, as docentes do Departamento de Comercio e Marketing do noso centro, Isabel Folgosa e Ana Penado, participaron a través do programa Erasmus+ , nun job shadowing na prestixiosa escola vocacional Perho Liiketalousopisto, que forma profesionais no eido dos negocios en áreas como marketing, vendas, atención ao cliente e xestión comercial.

No campus de Malmi as profesoras observaron de primeira man o sistema educativo finés e os seus programas formativos, centrados non só nas áreas técnicas, senón tamén nas habilidades transversais esenciais para o desenvolvemento integral do alumnado.

Como complemento a esta experiencia, coñeceron contornas moi especiais e enriquecedoras. Entre elas destaca Oodi: moito máis que unha biblioteca, un lugar onde cultura, creatividade, espazo e luz se viven dun xeito único.