Chom Pou Van Gas Station

06/08/2025

ស្ថានីយ៍ប្រេងជម្ពូវ័ន ធ្វើការកែប្រែរូបរាងថ្មី ដោយរក្សានូវ បរិមាណប្រេងត្រឹមត្រូវ និងរក្សាគុណភាពដដែល

04/03/2023

30/01/2023

អរុណសួស្តី ថ្ងៃអង្គារ៍ ថ្ងៃចុងខែ ចុះត្រជាក់ !

យកសៀវភៅជាគ្រូ ដែលជាប្រពផ្តល់ចំណេះមិនចេះរីងស្ងួត។

ទម្លាប់អាន ធ្វើឱ្យខួរក្បាលមិនស្ពឹកស្រពន់

6 Jewish Wisdom for Bussiness

សៀវភៅ អំពីការធ្វើអាជីវកម្មប្រកបដោយគតិបណ្ឌិតរបស់ជនជាតិជ្វិហ្វ ដែលមានតាំងពីប្រមាណ ៣៥០០០ឆ្នាំមុន។

ក្នុងសៀវភៅមួយក្បាលនេះ អ្នកនិពន្ធចង់បង្ហាញពី ជនជាតិជ្វិហ្វដែលពូកែក្នុងការរកសុី ក៏ដូចដំណើរការជីវិតរបស់ពួកគេ ដោយពឹងផ្អែកទៅលើ គម្ពីតូរ៉ា Torah ជាសៀវភៅ៥ដំបូងនៃព្រះគម្ពីរហេព្រើរ Hebrew Bible។

ជាសៀវភៅដែលបង្ហាញពី ការទប់ទល់ប្រឆាំងនឹង ភាពភ័យខ្លាច , ឆន្ទះអាចជម្នះបញ្ហានានា , ការចេះដាក់ខ្លួន , គម្រូអាជីវកម្មជោគជ័យ, បច្ចេកទេសនៃការលក់, ការប្រឈមជាមួយភាពបរាជ័យ , ប្រភេទនៃសហគ្រិន, គិតល្អដើម្បីសម្រេចគោលដៅ, និង មាគ៌ានៃគតិបណ្ឌិត។

ឃ្លាខ្លះៗអំពីសៀវភៅទី១របស់ជាតិជ្វិហ្វ ដែលខ្ញុំបានអាន។

១ ការយកឈ្នះភាពភ័យខ្លាច គឺជាដំណើរឈានទៅរកជោគជ័យ

ពិភពលោកគឺមិនធំប៉ុន្មាននោះទេ មិនចាំបាច់អ្វីត្រូវភ័យខ្លាចឡើយ។

ភាពភ័យខ្លាច តាម Midrash មាន៤ប្រភេទ ការបំផ្លាញខ្លួនឯង , ការប្រយុទ្ធប្រឆាំង , ការដកថយ និង ការអស់សង្ឈឹម។

គូរប្រកួតរបស់អ្នកមិនមែនជាសត្រូវពិតប្រាកដរបស់អ្នកឡើយ តែជាភាពភ័យខ្លាចទេតើ។

ការជៀសពីបញ្ហា មិនជារឿងល្អដូចអ្វីដែលអ្នកបាន រៀនសូត្រពីវាឡើយ ជាមនុស្សមិនល្អឥតខ្ចោះ ប្រសើរជាងមិនបានប្រថុយធ្វើអ្វីទាល់តែសោះ។

ខ្លាចគេបដិសេធ ឬ ខ្លាចបរាជ័យ គឺជាការបំផ្លាញខ្លួនឯងដោយប្រយោល។

ថ្ងៃមិនល្អនៅថ្ងៃនេះ មិនប្រាកដថាមានទៀតទេនៅថ្ងៃស្អែកបើយើងខិតខំធ្វើការកែប្រែដើម្បីទទួលបានថ្ងៃថ្មីជាថ្ងៃល្អ។

ភាពភ័យខ្លាច តែងតែរុញមនុស្សទៅរកផ្លូវខុស។

ម៉ូសេ Moses ប្រាប់យើងថា ការគិតច្រើនជ្រុល ជម្រុញចិត្តយើងឱ្យធ្លាក់ចូលទៅក្នុងភាពភ័យខ្លាចពុំខាន។

ការភ័យខ្លាចនឹងធ្វើឱ្យយើងនៅមួយកន្លែងឬត្រឡប់ទៅរកកន្លែងដើម ជាជាងប្រឈមមុខជាមួយបញ្ហា។

ការឈានឆ្ពោះទៅមុខដោយខ្វះជំនឿឬជំនឿខ្វាក់ វាមិនត្រឹមតែមិនបានឆ្ពោះទៅគោលដៅខាងមុខណាមួយទេ ថែមទាំងធ្វើឱ្យមានដំណើរថយក្រោយថែមទៀត។

តូយូតា ទទួលបានជោគជ័យដោយសារការផ្តោតលើបញ្ហាដែលបានកើតឡើងក្នុងពេលបច្ចុប្បន្ន។

ជាញឹកញយណាស់ ការភ័យខ្លាច បណ្តាលឱ្យមនុស្សមិនហ៊ានធ្វើសកម្មភាព ដែលសកម្មភាពនេះហើយគឺជារឿងសំខាន់បំផុត។

ការធ្វើសកម្មភាព ជាកត្តាក្នុងការបណ្តេញភ័យខ្លាចឱ្យចេញឬធ្វើឱ្យវាបាត់បង់ឥទ្ធិពល។

ភាពភ័យខ្លាច ធ្វើឱ្យរឿងរាវហាក់បីដូចជាអាក្រក់ទាំងអស់។

គំនិតចាស់គំរិលគួរតែផ្លាស់ប្តូរចេញ ពិភពលោកផ្លាស់ប្តូររាល់ពេល ត្រូវគិតពីថ្ងៃនេះ និងថ្ងៃស្អែកជាជាងគិតលើថ្ងៃម្សិលមិញ។

អ្នកនឹងត្រូវប្រឈមមុខជាមួយអនាគត មិនមែនជាមួយអតីតកាលឯណា អ្នកមិនចាំបាច់ខ្លាចសត្រូវដែលអ្នកធ្លាប់បានកំចាត់ចោលរួចហើយនោះទេ។

Moses ប្រាប់យើងឱ្យមិនធ្វើប្រតិកម្មតបត និងត្រូវប្រឈមជាមួយភាពភ័យខ្លាច បើអាចធ្វើបាន នោះអ្នកនឹងអាចធ្វើដំណើរឆ្ពោះទៅមុខបាន។

កុំចុះចាញ់ កុំពឹងលើជោគវាសនា អ្វីដែលអ្នកត្រូវធ្វើគឺ បន្តដំណើរដើរទៅមុខ។

មេរៀនដ៏សំខាន់បំផុតក្នុងជីវិតរបស់ ជីមខាម័រ Jim Cramer អាជីវកម្មរបស់គាត់ គឺមិនត្រូវបានកំណត់ដោយវាសនាឡើយ។

ត្រូវចាំថា អ្នកគឺជាមនុស្សតែម្នាក់គត់ដែល កំណត់វាសនារបស់ខ្លួន ជាមនុស្សម្នាក់គត់ដែលអាចជួយខ្លួនឯងបាន គេដទៃមានសិទ្ធប្រាប់និងណែនាំអ្នកតែមិនអាចជួយអ្នកបានឡើយ ទោះជាព្រះក៏ដោយ។

លុបបំបាត់ភាពភ័យខ្លាចទាំងអស់ចេញពីការសម្រេចចិត្តនានា ដោយធ្វើការវិភាគអំពីហានីភ័យ ជាជាងការភ័យខ្លាចដោយមិនមានមូលដ្ឋានច្បាស់លាស់ អព្ភូតហេតុកើតមានបានបន្ទាប់ពីអ្នកបានខិតខំជម្នះនឹងភាពភ័យខ្លាចហើយឆ្ពោះទៅមុខ គ្មានឧបសគ្គអ្វីអាចប្រឈមជាមួយឆន្ទៈប្តេជ្ញាដ៏មុតមាំបានឡើយ។

ការប្រើប្រាស់កម្លាំងចិត្ត ចំណូលចិត្ត រួមជាមួយការលើកទឹកចិត្ត ពិតជាអាចសម្រេចបានជោគជ័យនៅក្នុងអាជីវកម្មណាមួយជាក់ជាពុំខាន។

មានឆន្ទៈ និងចំណង់ចំណូលចិត្តពីខាងក្នុង ជាកត្តានាំទៅរកភាពជោគជ័យ តែអ្នកត្រូវតែចាប់ផ្តើម គឺចាប់ផ្តើមពីដំបូងមក។

ការចាប់ផ្តើមដ៏ល្អមួយដើម្បីសម្រេចឆន្ទៈណាមួយ គឺត្រូវមើលទៅលើសកម្មភាពប្រចាំថ្ងៃរបស់អ្នកជាមុន។

ការរង់ចាំសំណាង មិនខុសអ្វីពីការដេកចាំមាសធ្លាក់ពីលើមេឃ។

ស្វែងរកខ្លួនអ្នក អ្វីដែលជារបស់ខ្លួន បន្ទាប់មកធ្វើតាម នោះ វាជាវិធីតែមួយគត់ដើម្បីអ្នកអាចក្លាយខ្លួនជាអ្នក ផ្ទាល់ខ្លួន ជាអ្នកដ៏ពេញលេញម្នាក់។

ព្រះបង្កើតមនុស្សតាម រូបភាពរបស់ទ្រង់ នៅក្នុង Genesis (1:27)។

អាថ៌កំបាំងរបស់មនុស្សគឺ មានថាមពលមិនគួរឱ្យជឿនៅខាងក្នុង អ្នកត្រូវតែស្វែងរកថាមពលនោះ ហើយផ្លូវទៅកាន់ភាពជោគជ័យនឹងកាន់តែច្បាស់ និងខ្លីទៅៗ។

៣ ការបន្ទាបខ្លួន
ដកភាពអាត្មានិយមចេញពី សហគ្រិន

សហគ្រិនដែលមានឆន្ទៈចេះដាក់ខ្លួន ភាពជោគជ័យនឹងកំពុងរង់ចាំនៅខាងមុខ- Midrash

សម្រាប់បុគ្គលដែលចេះបន្ទាប ចេះដាក់ខ្លួន ការដាក់ខ្លួន នេះមិនមែនដើម្បីខ្លួនគេផ្ទាល់ទេ តែជាការធ្វើដើម្បីបុព្វហេតុដ៏ខ្ពង់ខ្ពស់មួយ វាខុសពីមនុស្សអាត្មានិយមដែលគិតតែពីខ្លួនគេនិងប្រយោជន៍របស់គេ ហើយគ្មានអ្វីក្រៅពីខ្លួនគេនិងបក្សពួកគេដែលនៅក្នុងក្រសែភ្នែកគេឡើយ។

៤ គំរូអាជីវកម្ម Patriarchal
ជាការបង្កើតផែនការអាជីវកម្ម Blueprint ដើម្បីជោគជ័យ

អ្វីៗនៅក្នុងជីវិតត្រូវការធ្វើជាបន្តបន្ទាប់ដើម្បីសម្រេចបានជោគជ័យ ទំនាក់ទំនងត្រូវការការថែរក្សាជាប្រចាំដែរ អ្នកមិនអាចគ្រាន់តែរៀបការហើយមិនខ្វាយខ្វល់ពីទំនាក់ទំនងប្តីប្រពន្ធ ដោយសន្មត់ថាវានឹងបន្តរីកចម្រើនដោយខ្លួនឯងនោះទេ។

ត្រូវរក្សាតុល្យភាពនៃជីវិតរបស់អ្នកឱ្យបានល្អគ្រប់ជ្រុងជ្រោយ ភាពជ្រុលនិយមលើទិសដៅណាមួយនឹងធ្វើឱ្យមានការថមថយទៅលើទិសដៅផ្សេងមួយទៀត ត្រូវប្រាកដក្នុងចិត្តខ្លួនឯង សម្រេចចិត្តដោយខ្លួនឯង ដោយ មិនធ្វើទៅតាមការចង់បានរបស់អ្នកដទៃឡើយ ប៉ុន្តែទន្ទឹមគ្នានោះកុំភ្លេចយកមតិមិត្តភ័ក្កិ និងក្រុមគ្រួសារមកពិចារណាឱ្យបានដិតដល់ហ្មត់ចត់ មុននឹងសម្រេចចិត្តធ្វើអ្វីមួយ។

៥ បង្កើតការលក់ដូរ
បច្ចេកទេសចរចាថ្លៃ បានមកពីគម្ពីតូរ៉ា Torah

បើសិនជាមាន១០ដូចអ្នកនិយាយមែន ខ្ញុំនឹងជួយទាំងអស់គ្នា។

ការចរចារ ប៉ះពាល់ស្ទើតែគ្រប់ទិដ្ឋភាពទាំងអស់នៃជីវិត។

បើយល់ច្បាស់យ៉ាងត្រឹមត្រូវពីរបៀបចរចាដើម្បីដោះស្រាយបញ្ហា នោះពិតជាមិនធ្វើឱ្យមានការឈឺចាប់ ឬបង្កភាពភ័យខ្លាចនោះឡើយ។

កុំគិតថាអ្នកអាចផ្លាស់ប្តូរ ឬកែប្រែអ្វីធំៗបានដោយ ងាយនោះ តែអ្នកអាចកែប្រែ ឬផ្លាស់ប្តូររឿងដ៏តូចៗបន្តិចម្តងៗ ដែលជាហេតុធ្វើឱ្យជីវិតរបស់អ្នកអាចមានការផ្លាស់ប្តូរជាដុំកំផួនបាន ការផ្លាស់ប្តូរកែប្រែបន្តិចម្តងៗ យូរៗទៅអ្នកនឹងឃើញលទ្ធផល ផ្ទុយពីការធ្វើម្តងទាំងមូល។

គន្លឹះក្នុងការចរចាដើម្បីទទួលបានជោគជ័យនោះគឺ ដឹងពីតម្រូវការរបស់ភាគីម្ខាងទៀត ដឹងពីខ្លួនឯង និងដឹងពីតម្លៃនៃកិច្ចព្រមព្រៀង។

ត្រូវដឹងថាការជឿទុកចិត្តលើទំនាក់ទំនងអន្តរបុគ្គលគឺត្រូវការពេលវេលាដើម្បីបង្កើតវា ត្រូវចំណាយពេលកសាង, ជឿទុកចិត្ត, ការគោរព និងទំនាក់ទំនងល្អជាមួយមនុស្សនៅជុំវិញអ្នក ហើយកុំគិតតែឈរលើទីតាំងរបស់ខ្លួនឯង តែត្រូវគិតនិងយល់ដឹងអំពីជ្រុងរបស់អ្នក ដទៃផង ដើម្បីឈានដល់កិច្ចព្រមព្រាង។

៦ ការប្រឈមចំពោះបរាជ័យ
ដោះស្រាយការបរាជ័យថ្ងៃនេះ ដើម្បីធានាបាននូវជោគជ័យនៅថ្ងៃខាងមុខ។

ការចេះដឹងកើតមានប្រាជ្ញាទាំងឡាយកើតឡើងដោយ សារការឈឺចាប់ទុក្ខព្រួយ Ecclesiastical 1:18

បរាជ័យគ្រាន់តែជាផ្នែកមួយនៃជីវិតមនុស្ស ហើយ មិនមានហេតុផលអ្វីដែលត្រូវតក់ស្លុតនៅពេលវាកើតឡើង នោះឡើយ។

ន័យនៃពាក្យ ឆ្កួតលីលា គឺជាការធ្វើរឿងដដែលៗហើយរំពឹងលទ្ធផលផ្សេង Benjamin Franklin

នៅលើភពផែនដីនេះ គ្មានមនុស្សឯណាដែលធ្វើរឿងល្អសុទ្ធសាធ ហើយមិនធ្វើរឿងអាក្រក់សោះនោះទេ សំដី ស្តេចសាឡូម៉ូន King Solomon

គម្ពី Torah ផ្តល់នូវ ៤ជំហានសម្រាប់ជួសជុលកំហុស:
ក. ទទួលស្គាលកំហុស នៅពេលអ្នកបានខឹងរួច, ខ្វះការផ្តោត, ក្រអឺតក្រទម និងភាពអសកម្មលើនរណាម្នាក់។
ខ. ទទួលស្គាល់ពីការគិតខុសរបស់ខ្លួន។
គ. សារភាពកំហុសចំពោះអ្នកដទៃ និងខ្លួនឯង។
ឃ. សន្យានឹងមិនបណ្តាលឱ្យមានកំហុសម្តងទៀត។

បើចង់បង្កើតទម្លាប់ថ្មី ជាដំបូង អ្នកត្រូវតែរៀនក្លែងបន្លំធ្វើវា ទាល់តែអ្នកអាចធ្វើបានពិតប្រាកដមែន វិធីនេះមានប្រសិទ្ធភាពខ្លាំងណាស់។

កុំប្រៀបធៀបជោគជ័យ ឬបរាជ័យរបស់អ្នកជាមួយអ្នក ដទៃ ជោគជ័យមានន័យខុសគ្នាចំពោះមនុស្សម្នាក់ៗ ជោគជ័យរបស់គេអាចជាការបរាជ័យសម្រាប់អ្នកក៏ថាបាន ចូរវិនិច្ឆ័យលើសម្ថភាព និងទេពកោសល្យរបស់ខ្លួនអ្នកឱ្យបានច្បាស់លាស់។

បរាជ័យគឺដោយសារការមិនដឹងថាបរាជ័យនោះជាចំណុចមួយដែលជិតទទួលបានជោគជ័យ បើគេព្យាយាមដោយមិនបោះបង់បន្តបន្តិចទៀត Tomas Edison

បរាជ័យគឺគ្រាន់តែជាជំហានមួយឈានទៅរកភាពជោគជ័យ ផ្លូវទៅកាន់ជោគជ័យគឺក្រាលដោយបរាជ័យ។

អ្នកនិពន្ធ George Bernard Shaw : ជីវិតដែលធ្វើការងារហើយមានកំហុស គឺជាជីវិតមានកិត្តិយស មានប្រយោជន៏ជាងជីវិតដែលមិនបានធ្វើអ្វីសោះឆ្ងាយណាស់ ។

Theodore Roosevelt: មនុស្សណាមិនដែលបានធ្វើអ្វីខុស គឺជាមនុស្សមិនរីកចម្រើន។

អ្នកបង្កើតអំពូលភ្លើង Thomas Edison: ខ្ញុំមិនបាន បាក់ទឹកចិត្តទេ ព្រោះរាល់ការព្យាយាមខុសបានធ្វើមកទាំងឡាយជាជំហានមួយឆ្ពោះទៅមុខ ខ្ញុំមិនបរាជ័យឡើយ ខ្ញុំគ្រាន់តែរកឃើញវិធីមួយម៉ឺនដែលមិនដំណើរការទេតើ។

៧ ភាពជាសហគ្រិនខាងវិញ្ញាណ
ស្វែងរកភាពបរិសុទ្ធនៅក្នុងការងាររបស់អ្នក

សហគ្រិនមាន៣ប្រភេទ
ក. សហគ្រិនបែបបុរាណដែលផ្តោតលើគោលដៅតែមួយគត់ គឺរកលុយបានច្រើនតាមតែអាចធ្វើទៅបាន លោកអឌិតប្រធានាធិបតី ដូណាស់ត្រាំ ជាគំរូ។

លោកត្រាំ រកសុីប្រចាំថ្ងៃគឺជីវិតរបស់គាត់គ្មានន័យអ្វីលើសពីកិច្ចព្រមព្រាងនោះទេ។

ខ. សហគ្រិនសង្គម : ជាសហគ្រិនដែលខិតខំរកប្រាក់ ហើយជួយដល់សង្គម ដើម្បីសង្គមក្លាយជាកន្លែងរស់នៅដ៏ប្រសើរជាងមុន ដូចជាលោក Muhammad Yunis សហគ្រិនជនជាតិបង់ក្លាដេស ដែលបានទទួលមេដៃនូបែលសន្តិភាពពិភពលោក។

គ. សហគ្រិនខាងវិញ្ញាណ : មិនត្រឹមតែជាសហគ្រិនសង្គមទេថែមទាំងស្របតាមបំណងព្រះជាម្ចាស់ដែល ភ្ជាប់ទំនាក់ទំនងជាមួយអ្នកដទៃនិងជាមួយអ្វីខ្ពង់ខ្ពស់ជាង ដូចជាលោក Warren Buffett គាត់បានផ្តល់ភាគហ៊ុន១០លានហ៊ុនដល់មូលនិធិ Bill & Melinda Gate ។ សហគ្រិនប្រភេទនេះ គឺមិនដែលមើលឃើញអាជីវកម្មរបស់ពួកគេជាមធ្យោបាយដើម្បីរកលុយសម្រាប់តែខ្លួនឯងតែមួយមុខនោះទេ គឺជាអាជីវកម្មដើម្បីជួយដល់អ្នកដទៃជារឿងសំខាន់ជាង។

គ្រប់អ្វីៗដែលអ្នកធ្វើ អ្នកអាចមានឱកាសទទួលបាន និងចែករំលែក នៅពេលដែលអ្នកទទួលបាន អ្នកត្រូវតែផ្តល់ដល់អ្នកដទៃវិញខ្លះផង។ ចែក១០% នៃអ្វីដែលរកបានដើម្បីធ្វើឱ្យពិភពលោកកាន់តែប្រសើរឡើងៗ ធ្វើបែបនេះទ្រព្យសម្បត្តិរបស់អ្នកនឹងកើនឡើងថែមទៀត នេះជាការសន្យា នៅក្នុងគម្ពី Torah។

៨ គិតល្អ
ប្រើប្រាស់ថាមពលវិជ្ជមានដើម្បីសម្រេចគោលដៅរបស់អ្នក

គិតល្អ អ្នកនឹងទទួលល្អត្រឡប់មកវិញ The Tzemech Tzedak

ដោយសារពាក្យសំដីរបស់យើងចេញមកពីគំនិត ចិត្តជាប្រភពនៃភាសាវិជ្ជមានឬអវិជ្ជមាន បើអ្នកគិតថាអ្នកអាចបំផ្លាញបាន អ្នកក៏អាចជួសជុលវិញបានដែរ។

មនុស្សជោគជ័យមិនផ្តោតលើភាពអវិជ្ជមាន ស្របពេលមនុស្សបរាជ័យតែងតែគិតដល់។

បើសិនជាយើងមិនបើកទ្វារទេ ទ្វារនឹងនៅតែបិតជារៀង រហូត។

មនុស្សប្រភេទណាដែលមានសក្តានុពលដើម្បីទទួល បានទ្រព្យសម្បត្តិដ៏ពិតប្រាកដ?
គឺមានតែមនុស្សមានការសប្បាយរីករាយពិតប្រាកដ លើអ្វីដែលខ្លួនមាននាពេលបច្ចុប្បន្ន ជាជាងការពេញចិត្ត។

មានភាពខុសគ្នារវាង ការសប្បាយចិត្ត និង ការពេញចិត្ត
ការសប្បាយចិត្តគឺជាការធ្វើ ហើយដំណើរនៃការធ្វើប្រកបដោយសេចក្តីរីករាយពេញចិត្ត នៅពេលដែល ការពេញចិត្តគ្រាន់តែជាលទ្ធផលសម្រេចនៃការធ្វើតែប៉ុណ្ណោះ។

មានតែមនុស្សដែលសប្បាយរីករាយនឹងអ្វីដែលខ្លួនមាន នាពេលបច្ចុប្បន្ននេះទេ ទើបអាចមានទ្រព្យសម្បត្តិពិតក្នុងជីវិតរបស់ពួកគេបាន។

ការសង្សៃលើខ្លួនឯងនឹងរារាំងអ្នកមិនឱ្យឆ្ពោះទៅមុខក្នុងការសម្រេចក្តីសុបិន្ត វានឹងមិនអាចសម្រេចការងារអ្វីបានឡើយ។

ចេះក្លែងបន្លំរហូតដល់វាក្លាយជាការពិតមែនទែន បើអ្នកធ្វើវាប្រកបដោយការសប្បាយរីករាយ និងគិតវិជ្ជមាន លើរឿងអវិជ្ជមាន នោះអ្នកនឹងមានអារម្មណ៍បែបនោះជាក់ជាពុំខាន ដូច្នេះវាជាការប្រសើក្នុងការក្លែងធ្វើជារីករាយ និងគិតវិជ្ជមាន ទោះក្នុងគ្រាដែលផ្ទុយពីនេះក៏ដោយចុះ។

ខ្ញុំស្វែងរកមនុស្សមានសុទិដ្ឋិនិយមទាំងខាងក្នុងនិងខាងក្រៅ Hoffman

៩ មាគ៌ារបស់អ្នកប្រាជ្ញ
ស្វែងរកតុល្យភាពត្រឹមត្រូវមួយនៃចរិតលក្ខណៈរបស់អ្នកដើម្បីជោគជ័យក្នុងអាជីវកម្ម

គន្លឹះមួយក្នុងចំណោមគន្លឹះជោគជ័យ គឺជាសម្ថភាពក្នុងការធ្វើឱ្យមានតុល្យភាពត្រឹមត្រូវរវាងអារម្មណ៍និងបញ្ញា។

នៅពេលដែលមានកំហុសមួយបានកើតឡើងរួចមកហើយ ចូរកុំព្យាយាមជួសជុលវាយូរពេក។

អ្នកមិនត្រូវចំណាយពេលនិងថាមពលខ្ជះខ្ជាយរាប់សិបឆ្នាំក្នុងទំនាក់ទំនងដែលមិនមានសង្ឈឹមនោះឡើយ ការព្យាយាមកែប្រែមនុស្សណាម្នាក់ មិនមែនជាជម្រើសដ៏ល្អឡើយ បើទោះជាអ្នកស្រលាញ់គេប៉ុណ្ណាក៏ដោយ។

ក្នុងនាមជាមនុស្ស យើងមានការទទួលខុសត្រូវ ត្រូវធ្វើអ្វីផ្សេងទៀត បន្តដំណើរទៅមុខទៀតពីកម្រិតមួយទៅកម្រិតមួយទៀត មិនអាចខ្វាយខ្វល់តែរឿងមួយដែលគ្មានសង្ឈឹមនឹងទទួលបានជោគជ័យនោះទេ។

តាមទស្សនៈនៅក្នុងគម្ពីTorah ការដឹងអ្វីមួយមានន័យថាជាការតភ្ជាប់ពីកម្រិតមួយទៅកម្រិតជ្រៅមួយទៀត ដែលមានភាពខុសគ្នារវាង ការដឹងលើរឿងអ្វីមួយ និង ការមានចំណេះដឹងអំពីវា ហើយការយល់ដឹងគឺជាគន្លឹះ។

ចុងក្រោយនៃសៀវភៅគឺជាការយល់ដឹងអំពីសមាធិ ដែលមាន៣ដំណាក់កាល ទីមួយគឺបញ្ញា ទី២គឺការយល់ដឹង និងទី៣ចុងក្រោយគឺការមានចំណេះដឹង ៕

Jewish Wisdom for Business Success
By Levi Brackman/ Sam Jaffe

31 មករា 2023

05/01/2023

រីករាយឆ្នាំថ្មី ឆ្នាំ២០២៣
រៀនបង្កើតទម្លាប់ល្អ ទាំងអស់គ្នា

5 Atomic Habit
ការផ្លាស់ប្តូរម្តងបន្តិចៗ អាចធ្វើឲ្យមានការផ្លាស់ប្តូរធំទៅថ្ងៃអនាគត

ម្តាយបង្កើតអ្នក ហើយទម្លាប់របស់អ្នក គឺជារូបអ្នក
ទម្លាប់បែបណា អ្នកជាមនុស្សបែបនោះ

ទំលាប់ជាវាសនារបស់យើងម្នាក់ៗ

ចំនុចមួុយចំនួន ដែលត្រូវដឹង
A វានឹងគួរឲ្យភ្ញាក់ផ្អើលបំផុតនៅពេលដែល :

- អ្នកកែប្រែខ្លួនឯងតែ1% ជារៀងរាល់ថ្ងៃ មិនច្រើនទេ គ្រាន់តែធ្វើអ្វីតាមទំលាប់រាល់ថ្ងៃ ហើយកែបន្តិចបន្តួច
បង្កើតទំលាប់ល្អ 1% ប្រសើររាល់ថ្ងៃ នោះ 1ឆ្នាំ អ្នកអាចកែបាន 37.78%

-បើអ្នកចង់ធ្វើអ្វី ក្លាយជាអ្វីប្រសើរជាងពេលនេះ អ្នកត្រូវបង្កើតទំលាប់ថ្មីម្តងបន្តិចៗ យូរៗទៅអ្នកនឹងទទួលបានទំលាប់ល្អនោះហើយ

-ទំលាប់ល្អ ជាជណ្តើរឡើងទៅទីខ្ពស់ ទំលាប់អាក្រក់ធ្វើឲ្យអ្នកធ្លាក់ចុះមកទីទាប

-រឿងធំៗ ឬជោគជ័យនានា ការសម្រេចដល់គោលដៅអ្វីមួយបានមកពីការចាប់ផ្តើមពីជំហ៊ានដំបូង ជំហ៊ានដ៏តូចដំបូង

-ក្នុងការធ្វើអ្វីមួយត្រូវតែមានគោលដៅ ហើយអ្វីដែលសំខាន់ជាងនេះទៀតគឺជាដំណើរការដោយប្រព័ន្ធមួយជាក់លាក់ បំភ្លេចគោលដៅ តែត្រូវផ្តោតលើប្រព័ន្ធ ដែលវាជាជំហានឈានទៅដល់គោលដៅ

-បើអ្នកមានបញ្ហាក្នុងការប្តូរទំលាប់ នោះមិនមែនមកពីអ្នកនោះទេ គឺវាមកពីការរៀបចំប្រព័ន្ធរបស់អ្នក ប្រព័ន្ធសំខាន់បំផុត។

B ទម្លាប់របស់អ្នកគឺជាអ្នក ជាអត្តសញ្ញាណរបស់អ្នក

-ដើម្បីចង់បានលទ្ធផលអ្វីមួយ អ្នកត្រូវ តែកំណត់ធ្វើដោយ មានជំនឿនឹងទៅដល់គោលដៅនៃអត្តសញ្ញាណច្បាស់លាស់ណាមួយដែលអ្នកចង់ក្លាយទៅជា

-អត្តចរិតរបស់អ្នកជាកញ្ចក់ឆ្លុះបញ្ចាំងពីអត្តសញ្ញាណរបស់អ្នកផ្ទាល់

-បង្កើតទម្លាប់ល្អមួយសម្រាប់ខ្លួនឯង មិនមែនក្លាយជាអ្នកណាផ្សេងឡើយ

-ចង់ផ្លាស់ប្តូរខ្លួនឯង ស្រួលទេគឺគ្រាន់តែផ្លាស់ប្តូរនូវអ្វីដែលអ្នកកំពុងធ្វើបច្ចុប្បន្ននេះចេញទៅបានហើយ

-អ្នក ជាអ្នកមានអំណាចតែម្នាក់គត់ក្នុងការផ្លាស់ប្តូរជំនឿខ្លួនឯង ជាអត្តសញ្ញាណផ្ទាល់ខ្លួន តាមអ្នកចង់បាន នៅគ្រប់ពេល។

C វិធីដើម្បីបង្កើតទម្លាប់ល្អ

-ទម្លាប់ជាអាកប្បកិរិយាបានធ្វើរួចម្តងហើយ ម្តងទៀតរហូតដល់ក្លាយទៅជាទម្លាប់ប្រចាំដោយស្វ័យប្រវត្តិ

-បង្កើតទម្លាប់ល្អដោយ4ជំហាន : ដាក់គោលដៅ(សញ្ញា),ចាប់ផ្តើមធ្វើ, ទទួលយក និង ប្តល់រង្វាន់ ដើម្បីអាចក្លាយជាទម្លាប់ល្អមួយ។

D របៀបធ្វើឲ្យមានទម្លាប់ល្អជាប់រាល់ថ្ងៃ

-នៅពេលដែលទម្លាប់មិនល្អចង់កើតឡើង ខ្ញុំព្យាយាម រំលឹកខ្លួនឯងនឹងមិនបណ្តោយឲ្យវាកើតមានម្តងទៀតឡើយ

-ការធ្វើអ្វីមួយម្តងជាលើកទី1 វាជារឿងចៃដន្យ តែបើធ្វើម្តងហើយម្តងទៀត វានឹងក្លាយជាទម្លាប់ថ្មីមួយផ្សេងទៀត

-ថ្ងៃបរាជ័យមានរយៈពេលយូរ ជាងថ្ងៃជោគជ័យ

-អារម្មណ៍ដែលពេញចិត្តបំផុតនោះគឺមិនមែនអារម្មណ៍ នៅពេលបានជោគជ័យទេ គឺជាអារម្មណ៍នាពេលកំពុងធ្វើដំណើរឈានទៅរកទិសដៅជោគជ័យ

-ការដឹងថាមានមនុស្សកំពុងតាមដានមើលអ្នក អាចជាកម្លាំងជម្រុញចិត្តអ្នកឱ្យធ្វើឱ្យយបានល្អជាង មិនមានអ្នក មើល

-ត្រូវតែបង្កើតទម្លាប់1សមបំផុតសម្រាប់ខ្លួនអ្នក មិនមែនទម្លាប់គេប្រាប់ ឬទម្លាប់ណាពេញនិយមនោះទេ

-ជ្រើសទម្លាប់ណាដែលសមស្របសម្រាប់ខ្លួនអ្នកអាចធ្វើបាននោះអ្នកនឹងធ្វើវាដោយស្រួលនិងពេញចិត្ត បើរើសទម្លាប់មិនសមនឹងខ្លួនអ្នក នោះអ្នកពិបាកធ្វើវាបានសម្រេចណាស់

-បើអ្នកមិនអាចធ្វើឱ្យល្អជាងគេទេ យ៉ាងហោចណាស់ក៏អ្នកត្រូវតែធ្វើឱ្យខុសពីគេដែរ

-ទឹកដាំពុះអាចធ្វើឲ្យដំឡូងប្រែពីរឹងទៅទន់ ហើយធ្វើឲ្យពងពីរាវទៅរឹងបាន

-វិធីដែលល្អបំផុតដើម្បីពេញចិត្តនឹងជីវិតរបស់អ្នកនោះគឺធ្វើអ្វីដែលសាកសមនឹងចរិតលក្ខណៈនិងជំនាញរបស់អ្នក នោះអ្នកនឹងរីករាយនឹងធ្វើវា

-អ្នកជំនាញគឺគេបង្កើតទម្លាប់ថ្មី បើទោះជាអារម្មណ៍គេស្ថិតក្នុងស្ថានភាពមិនល្អក៏ដោយ ហើយអ្នកត្រូវតែស្រលាញ់ចូលចិត្តព្រមទាំងទទួលយកការធុញទ្រាន់ជាមួយទម្លាប់នោះ

-ទម្លាប់គឺជាមូលដ្ឋានគ្រឹះនៃការស្វែងរកឧត្តមភាព ទម្លាប់ + ការអនុវត្ត = ជំនាញ

-ប្រសិទ្ធភាពនៃការធ្វើសកម្មភាពបន្តិចម្តងៗអាចនឹងឈានទៅសម្រេចការងារធំបាននៅក្នុងពេលកំណត់ណាមួយ

-ច្បាប់4យ៉ាងនៃការផ្លាស់ប្តូរឥរិយាបទ: ធ្វើឲ្យជាក់លាក់ជាក់ស្តែង ធ្វើឲ្យមានភាពទាក់ទាញ ធ្វើឲ្យងាយស្រួល ហើយពេញចិត្តនឹងធ្វើ វិធីណាក៏ដោយត្រូវតែធ្វើឲ្យប្រសើរ1%ម្តងៗ ត្រូវអភិវឌ្ឍខ្លួនជាប់ជាប្រចាំ ការផ្លាស់ប្តូរបន្តិចបន្តួចវាមិនអាចផ្លាស់ប្តូរអ្វីបានជាដុំកំផួនទេ តែការផ្លាស់ប្តូរបន្តិចម្តងៗរួមបញ្ចូលគ្នា វានឹងបង្កើតបានជាលទ្ធផលជាទីគាប់ចិត្តជាក់ជាពុំខាន ៕

ដកស្រង់ផ្នែកខ្លះពីសៀវភៅ
The power of atomic habits.
By Jame Clear

០៤ មករា ២០២៣

09/10/2022

ជោគជ័យដោយការគិតវិជ្ជមាន

ជាសៀវភៅដែលអ្នកគួរតែអានមុនគេ មុននឹងអានសៀវភៅផ្សេង ខ្ញុំអាន៣ដងហើយ ហើយប្រហែលជាសៀវភៅអានដំបូងរបស់ខ្ញុំផងដែរ ។

ខាងក្រោមជាឃ្លាល្អៗ ខ្ញុំបានបកប្រែនិងសម្រួលថែមថយជាខេមរភាសាដើម្បីឱ្យស្រួលយល់ ហើយចំពោះអ្នកមើលទៅចាប់អារម្មណ៍ត្រូវតែរកទិញមកអានមួយទៅ ខ្ញុំអាចប្រាប់កន្លែងទិញបាន ចំពោះអ្នកដែលចូលចិត្តអានតិចជាង1% ដែលកំពុងតែអាននេះ និងបន្តអានដល់ចប់ ។
ជាសៀវភៅល្អ 9/10

វាជាសញ្ញាបញ្ជាក់ថាជាសៀវភៅដ៏ល្អមួយ នៅពេលដែលអត្ថន័យក្នុងសៀវភៅ អាចអានចិត្តគំនិតរបស់អ្នក, ពាក្យរបស់លោក សរេន ឃីឃឺហ្គាត

ការសំងាត់បំផុតរបស់ភាពជោគជ័យ គឺជាការមិនមានជាការសំងាត់អាថ៍កំបាំងអ្វីឡើយ។

ចាំថា… ពិភពរបស់អ្នកផ្លាស់ប្តូរឬមិនផ្លាស់ប្តូរនោះ គឺសម្រេចទៅលើថាតើអ្នកចង់ប្តូរវាឬយ៉ាងណា គិតខ្លួនឯងចុះ …

នៅពេលដែលខ្ញុំមានបញ្ហាជាមួយអ្នកដទៃ ខ្ញុំមើលខ្លួនឯងមុនគេ។

គិតវិជ្ជមាន ចេះគ្រប់គ្រងអារម្មណ៍ នោះអនាគតរបស់អ្នក ពិតជាសម្រេចបានអ្វីមួយជាក់ជាពុំខាន។

គ្មានអ្វីដែលថាមិនអាចនោះទេ លើកលែងតែអ្នកព្រមទទួលថាអ្នកមិនអាច។

វាត្រូវការគំនិតតែមួយគត់ ហើយធ្វើសកម្មភាពដើម្បីឈានទៅសម្រេចគោលដៅ មិនចាំបាច់គំនិតច្រើនឡើយ។

មនុស្សទូទៅចង់ចាប់ផ្តើមធ្វើការងារពីកំពូលមក(ធ្វើមេគេ)ប្រសើរជាងចាប់ផ្តើមពីតូចតាចទៅ ។ តើអ្នកដឹងទេ !? គឺមានការងារមួយដែល អ្នកអាចចាប់ផ្តើមពីកំពូលមក នោះគឺ អ្នកជីករណ្តៅ គឺគេជីកពីលើទៅក្រោម។

យើងជាអ្នកឆ្លាតត្រូវតែចេះបំលែងអ្វីដែលបានមើលឃើញស្តាប់ឮ ទៅជាការពិត ដោយធ្វើសកម្មភាពដើម្បីសម្រេចដល់គោលដៅនោះ ។

អ្នកគឺជាទំលាប់របស់អ្នក ទំលាប់របស់អ្នកគឺជាអ្នក។

ចង់ធ្វើអ្វីមិនត្រូវប្រើពាក្យ ចាំសិន ចាំបន្តិចទៀតសិន មិនទាន់ដល់ពេល ហេតុអ្វីត្រូវយកលេសច្រើនម្លេះ?
ធ្វើភ្លាមទៅ គឺនៅពេលនេះតែម្តងទៅ ពាក្យថាចាំ ស្មើនិងអត់។

ដើម្បីចង់ឱ្យនរណាម្នាក់ធ្វើអ្វីមួយ ចាំបាច់ណាស់អ្នកត្រូវតែលើកទឹកចិត្តដល់គេ សរសើរដល់គេ ឱ្យគេមានទំនុកចិត្តលើខ្លួនឯង ហើយគេធ្វើការងារនោះរហូតបានសម្រេច។

ការគិតវិជ្ជមាន អ្នកនឹងអាចដោះស្រាយអ្វីៗបានគ្រប់រឿង ឬអាចទៅកន្លែងណាក៏បានដែរតាមតែអ្នកចង់ទៅ គិតវិជ្ជមាន អ្នកនឹងអាចរកឃើញដំណោះស្រាយបានគ្រប់បញ្ហា។

ចាំថាបើគំនិតនរណាម្នាក់ដែលនិយាយមកអ្នក ហើយអ្នកគិតថាវាបែបនោះដូចគេ គឺមានន័យថានោះក៏ជាគំនិត របស់អ្នកដែរ គិតដូចគ្នា។

ផ្លូវកាត់ដើម្បីជោគជ័យលើគ្រប់រឿងរ៉ាវដែលកើតមានឡើងក្នុងជីវិត គឺត្រូវតែ: គិតវិជ្ជមានអ្នកនឹងទទួលបានពរជ័យ ។

មេរៀនពីបរាជ័យគឺអាចនាំអ្នកឱ្យទទួលបានជោគជ័យ ដោយព្យាយាមបន្ត ព្យាយាមម្តងទៀត មេរៀនទី១០១គឺជា ការជោគជ័យបន្ទាប់ពីបរាជ័យអស់១០០ដងរួចមកហើយ បើអ្នកមិនព្យាយាមបន្តបន្តិចទៀតនោះទេអ្នកនឹងបរាជ័យ ព្យាយាមមិនបោះបង់នោះ អ្នកនឹងទទួលបានជោគជ័យនៅថ្ងៃណាមួយ ថ្ងៃណាមួយ តែត្រូវព្យាយាមឱ្យខ្លាំងថែមទៀត ថែមទៀត។

បើមិនពេញចិត្តលើរឿងអ្វីមួយហើយ រឿងមិនពេញចិត្តនោះនឹងជះឥទ្ធិពលអាក្រក់ដល់អ្នក មានខ្ទុះត្រូវតែជួសវាចេញទើបបាន បើមិនដូច្នោះទេវានឹងធ្វើឱ្យអ្នកឈឺចាប់ពឺតៗ។

ការចែករំលែកគឺជាការរៀនសូត្រ ជាការទទួលបាន មិនមែនជាការអស់នោះឡើយ កាន់តែចែក កាន់តែឱ្យកាន់តែទទួលបានមកវិញច្រើនឡើងៗ។

គ្មានអ្វីដែលមិនអាច គ្មានអ្វីដែលមិនអាចសម្រេចទេ អត់ផ្លូវមួយ ត្រូវរកផ្លូវផ្សេងទៀត បើទ្វារបិតក៏នៅមានបង្អួចបើក ហើយអាចចេញបានដែរ បញ្ហាកើតឡើងចំពោះអ្នកគឺជាការសាកល្បងលើអ្នកឱ្យអ្នកចេះដោះស្រាយមិនមែន ឱ្យអ្នកយកបញ្ហាមកអោបទុកនោះទេ។

វាសនាអនាគតរបស់អ្នក គឺសម្រេចបានដោយការខំប្រឹងប្រែងរបស់ខ្លួនអ្នក ខ្លួនឯងតែម្នាក់គត់ មិនមាននរណាលើកអ្នកដាក់លើស្មាហើយដើរឆ្លងទន្លេនោះទេ អ្នកត្រូវតែដើរឆ្លងដោយខ្លួនឯងផ្ទាល់។

ចាំថា នៅពេលអ្នកមានអ្វីមួយសប្បាយចិត្ត រំភើបជាមួយ រីករាយជាមួយរឿងនោះ នោះអ្នកនឹងមានថាមពល មាន ប្រាជ្ញា មានសេចក្តីសាទរគ្រប់គ្រាន់ក្នុងការរស់នៅបន្តប្រកបដោយផាសុខ។

រឿងអ្វីមួយដែលមានមន្ទិលសង្សៃត្រូវតែសួរ ត្រូវតែដោះស្រាយភ្លាមៗ បើទុកកាន់តែយូរ រឿងនោះនឹងធ្វើឱ្យអ្នកប្រែពីការគិតវិជ្ជមានទៅជាអវិជ្ជមានបាន។

ចង់ឱ្យខ្លួនឯងសប្បាយចិត្ត ងាយទេ គឺធ្វើឱ្យអ្នកដទៃសប្បាយចិត្តទៅ នោះអ្នកនឹងសប្បាយដែរហើយ តែមនុស្សភាគច្រើនបើមិនសប្បាយចិត្តហើយ តើមានអារម្មណ៍ឯណាទៅធ្វើឱ្យគេសប្បាយចិត្តនោះ ?

ចុងក្រោយត្រូវចាំថា ត្រូវគោរព និងស្តាប់សំដីពីមនុស្សដែលមានបទពិសោធន៍ជាងអ្នក ៕

01/10/2022

ADB said that Cambodia was expected to have one of the lowest rates of inflation among ASEAN countries this year despite the global surge in fuel and fertiliser prices.

Read more: http://www.akp.gov.kh/post/detail/262428

12/08/2022

ធ្វើបុណ្យត្រូវតែប្រកបដោយប្រាជ្ញា 🙏🏻