25/06/2026
🚗 ရန်ကုန်မှာ လမ်းမ/လမ်းကြား ပါကင်ဦးရင် စည်ပင်ဥပဒေနဲ့ ထိထိရောက်ရောက် အရေးယူတော့မယ်...(ငွေဒဏ်: ကျပ် (၁) သိန်းမှ (၅) သိန်း)
ရန်ကုန်မြို့တော်စည်ပင် နယ်နိမိတ်အတွင်းက လမ်းမကြီးတွေနဲ့ လမ်းသွယ်တွေပေါ်မှာ ကိုယ့်စိတ်ကြိုက် အတားအဆီးတွေချပြီး ကားပါကင် နေရာဦးနေကြတာတွေကို စည်ပင်ဥပဒေနဲ့အညီ ထိရောက်စွာ ဖယ်ရှားအရေးယူတော့မှာ ဖြစ်ပါတယ်။
⚠️ ဘာကြောင့် အရေးယူဖို့ ပြင်ဆင်တာလဲ?
အများပိုင်လမ်းပေါ်မှာ ပါကင်နေရာ လုကြရာကနေတစ်ဆင့် ရပ်ကွက်တွေထဲမှာ ရန်ပွဲတွေ မကြာခဏဖြစ်ပွားလေ့ရှိပြီး နောက်ဆက်တွဲအနေနဲ့ လူရိုက်မှု၊ လူသတ်မှုတွေအထိ ဆိုးရွားတဲ့ ပြစ်မှုတွေ ဖြစ်ပွားလာနေလို့ ဖြစ်ပါတယ်။
ဇွန်လ ၂၃ ရက်က ကျင်းပတဲ့ ရန်ကုန်တိုင်းဒေသကြီးလွှတ်တော် အစည်းအဝေးမှာ လှိုင်မြို့နယ် ကိုယ်စားလှယ်ရဲ့ မေးမြန်းမှုကို သက်ဆိုင်ရာ တာဝန်ရှိသူက အခုလို တရားဝင် အရေးယူမယ့်အကြောင်း ဖြေကြားခဲ့တာပါ။
🚫 စည်ပင်ဥပဒေ ဘာပြောလဲ?
အများပိုင်နေရာတွေကို ကိုယ်ပိုင်သတ်မှတ်ပြီး ပုံသဏ္ဍာန်အမျိုးမျိုးနဲ့ အတားအဆီးတွေ ချထားခြင်းဟာ တည်ဆဲဥပဒေကို ဆန့်ကျင်နေပါတယ်။
ရန်ကုန်မြို့တော်စည်ပင်သာယာရေးဥပဒေ (၂၀၁၈) အရ အများပိုင်လမ်းတွေပေါ်မှာ ပါကင်ဦးဖို့ အတားအဆီးပစ္စည်းတွေ ချထားခြင်းကို "ရဲအရေးပိုင်တဲ့ ပြစ်မှု" အဖြစ် သတ်မှတ်ထားပါတယ်။
💰 ဘယ်လို အပြစ်ဒဏ်တွေ ရှိမလဲ?
စည်ပင်ဥပဒေဘောင်အတွင်းကနေ စနစ်တကျ စိစစ်ဖယ်ရှားသွားမယ့်အပြင် ပြစ်မှုကျူးလွန်သူတွေကို အောက်ပါအတိုင်း အရေးယူမှာ ဖြစ်ပါတယ်။
ငွေဒဏ်: ကျပ် (၁) သိန်းမှ (၅) သိန်းအထိ ချမှတ်နိုင်ပါတယ်။
အများပြည်သူ စိတ်အေးချမ်းသာစွာ သွားလာနိုင်ဖို့နဲ့ မလိုလားအပ်တဲ့ ရန်ပွဲတွေ မဖြစ်ပွားစေဖို့အတွက် ဒီဥပဒေကို အလေးထား အရေးယူဆောင်ရွက်သွားမယ်လို့ သိရပါတယ်။
Credit
