السيارات الكهربائية في فلسطين - Electric cars in Palestine

09/07/2026

للي بيسأل إذا بنبيع طفايات، الإجابة لا ما بنبيع ولا إلنا علاقة، لكن لو في ابن حلال عنده ومستعد يبيع بمربح بسيط ويعمل أسعار للمتابعين، إحنا مستعدين ننشر لو ع الصفحة بدون مقابل

07/07/2026

القدس-جبع | 16 فبراير 2012
باص مدرسة محمل بأطفال روضة اصطدم بشاحنة وانقلب والنار شبت فيه بلمحة عين تجمعت عشرات السيارات على الطريق والناس وقفت بدها تنقذ الأطفال بس من بين كل هالطوابير من السيارات ما لقيو غير كم طفاية حريق صغيرة ما كفت تطفي كوشوك واحد النار أكلت الباص بالكامل بدقائق معدودة وراحت أرواح بريئة و الناس بتحاول تنقذ الاطفال من جوا النار لكن ما باليد حيلة وقفت الناس بحسرتها عاجزة أمام مشهد مأساوي لأنو ادنى وسائل الأطفاء ما كانت متوفرة بشكل كافي في السيارات اللي كانت متواجدة رغم كثرتها

احنا مؤمنين بالقضاء والقدر لكن العبرة من استذكار هذا الحادث المؤلم هي التذكير بأهمية وسائل الأمان وأهمها طفاية الحريق سواء كانت سيارتك كهربا أو بنزين أو ديزل خصوصي أو عمومي مش مهم لانو لا قدر الله وشبت النار ب سيارة ما بتطفيها إيدين فارغة وصياح والنار بس تولع ما بتستنى هاد غير الواقع اللي بنعيشو من تزايد اعتداءات المستوطنين على الطرقات اللي بتفرض علينا نكون بكامل جاهزيتنا لأي ظرف طارئ بصير معنا أو مع غيرنا في الشارع

صحيح إنو اللائحة التنفيذية لقانون المرور الفلسطيني بتلزم بالأساس المركبات العمومية والتجارية والشحن والباصات وبتستثني السيارات الخصوصية من المخالفة في حال عدم وجود طفاية والي اتوقع كثير غير ملتزمين في و بلزمهم حملة محترمة من اصحاب الأختصاص

في قانون اخلاقي أكبر بفرض نفسو ع الكل وهو قانون حفظ الأرواح مش منطق نركب سيارات ب عشرات آلاف الشواكل ونستخسر نجيب ب100ولا 200 شيقل طفاية بودرة محترمة تكون تحت إيدنا ومش منطق نشتري أفخم الشاشات والإكسسوارات ونهمل القطعة الوحيدة اللي بتنقذ عيلتك أو بتخليك تسند مقطوع في الشارع

من المهم تعرف أنواع الطفايات لانها بتختلف حسب الاستخدام و نوع الحريق مثل طفاية البودرة الجافة ABC وهي الخيار الأساسي والأشمل لكل أنواع السيارات لأنها بتطفي حرائق المواد الصلبة والسوائل المشتعلة والتماس الكهربائي

اما طفاية ثاني أكسيد الكربون CO2 وهي الأفضل لحماية الأجهزة الإلكترونية والالكترونيات الحساسة لأنها بتخنق النار بدون ما تتلف القطع او توسخها

وطفايات بطاريات الليثيوم فوم الفيرميكوليت AVD وهي المخصصة لبطاريات اليثيوم المصغرة للسيطرة على حريق خلايا البطارية في بدايتها ان كانت بطارية سيارتك NMC و الشرط انو يكون الحريق في بدايتو لانو لو ما لحقت البداية و صار هروب حراري ولا 10 طفايات ما بتكفيك لانها بالاصل مخصص للبطاريات الصغيرة مثل الاجهزة الكهربائية و ممكن تساعد في اطفاء بطارية سيارة فقط اذا تدارك من البداية بس غير عملية في الاماكن المفتوحة لانو الغاز بطاير في الهوا بشكل سريع و مشكلتها نادرة و متخصصة جدا ما بتوقع متوفرة عنا مثل الطفايات التقليدية

وأهم نقطة لازم تنتبهلها هي إنو مكان الطفاية الصحيح تحت كرسي الشوفير أو الراكب الي جنبو او اي مكان قريب منك وما بشكل عائق لاستخدامك الطبيعي للسيارة مش بصندوق السيارة لانو الطفاية لازم تكون بمتناول اليد بثواني معدودة عند الحاجة والإهمال وضعها في الصندوق ممكن يضيع السيارة بالكامل لانو لا قدر الله لو تسببت النار ب شورت كهربائي في السيارات الحديثة نظام القفل الإلكتروني رح يفصل والصندوق ما رح يفتح نهائياً وتصير الطفاية محبوسة جوا والسيارة لا منك ولا من طفايتك

حتى لو سيارتك كهربائية مش غلط تخلي معك 5 لتر مي على الاقل ممكن تلاقي ناس مقطوعة بطريقك في حالة ارتفاع حرارة او ما شابه لانها غير عملية لاطفاء حرائق سيارات الى اذا في بدايتها

رحمة الله عليهم و صبر الله اهلهم

السيارات الكهربائية في فلسطين - EVP

06/07/2026

على ما يبدو MG S6 EV 4x4 قريباً بسعر منافس
رح تنافس سيارات مثل Deepal S07 و Skywell ET5 و VW ID5 بسعر أقل لكن حتى الآن ما في سعر رسمي رح ننشر تفاصيل قريباً

06/07/2026

سؤال عبر الرسائل :

كيف Peugeot E3008؟
وشو سعرها ومواصفاتها؟
وكيف أدائها وخدمات الوكيل؟
ولا اجيب صيني احسن ؟

05/07/2026

بنستنى كارثة تصير؟ ليش لليوم ما في حل ولا ردع؟
​سيبك من إنو ما في لا تربيط ولا أي احتياط بدل على ذرة مسؤولية
بطريق حاد ليش مخلي الباب مفتوح ؟!

​افرض لا قدر الله بني آدم غشيم، أو حتى سائق عادي معو عيلتو وأولادو ماشي وراك، ومش مقدر مسافة للانزلاق لا سمح الله أو صار معو أي طارئ.. شو النتيجة المأساوية الممكن تكون؟ مين بتحمل ذنب أرواح الناس وقتها؟

​معقول نفذت الحلول عند الجهات المعنية لحتى نشوف هاد الاستهتار يومياً بأرواح البشر في شوارعنا وبدون رقيب؟!

تداركوا الوضع قبل ما ندفع الثمن دم

30/06/2026

الحادث الي في الفيديو لو تكرر اليوم لكانت النتيجة كارثية

في عام 2018 على طريق سريع الرؤية كانت في معدومة بسبب دخان كثيف ناتج عن حادث مروع بين عدة سيارات و كل السيارات بتدخل في بعضها إلا تيسلا الي تمكنت لوحدها و بالوقت المناسب وتفادت الكارثة و ناورت بين عدة سيارات غير مرئية للعين البشرية لأنها كانت بتعتمد على رادار تفاعلي ذكي بيخترق الدخان والضباب و عوامل الطقس وبشوف السيارات و العوائق و بتفاداها

لكن للاسف من سنة 2021 تيسلا شالت هاي الرادارات كلياً من الموديلات لجديدة وصارت تعتمد فقط على الكاميرات مع دمج الذكاء الصناعي يعني لو انحطت بنفس الموقف و الدخان اليوم رح تتسبب بكارثة حتمية ورح تدخل في الحادث مثلها مثل أي سيارة عادية بينما المنافسين مثل مرسيدس وبورش وزيكر و غيرهم صاروا يدمجو بين الرادارات مع الكميرات لتفادي الكوارث

الفيديو حقيقي وبثبت قوة الرادار بس لتسلا قديمة أما الجديدة خسرت ميزة منقذة للحياة عشان توفير التكاليف بحجة انو ممكن يقرأ اشارات وهمية وهذا اعطى خطوة اضافية للمنافسين للامام الي تبنو الرادارات التفاعلية و الكميرات المدعومة في الAI

29/06/2026

اخطر و أوسخ اختراع اخترعو جماعة كماليات السيارات سكاتة الحزام او زي ما بحكولها (اللهاية)

قطعة حديد بفراطة وظيفتها تعطل صوت تنبيه الحزام وبكون احيانا مكتوب عليها (لا تستخدم) يعني المصنع نفسه بتبرأ منها واللي ببيعها عارف ليش

السيارة ما بتميز القفل حساس ميكانيكي بس بعرف انه انقفل فبتوقع انو لحزام ركب ما بفرق معه سكاتة ولا حزام و الأيرباج مع لحزام مصمم للعمل كوحدة وحدة و في فرق كبير بقوة فتح الإيرباج حسب اذا انت رابط لحزام ولا لا و ممكن يضربك في وجهك على اساس غلط و يسببلك كسور بالوجه و الفك و الرقبة

و بسببها ممكن بأبسط حادث يفتح ايرباجات ما كان داعي انها تفتح

و لو لا قدر الله صار حادث انت مش رابط لحزام فجسمك حر برتطم في التابلو او الستيرنج و بنفس اللحظة الايرباج بفتح بقوة كاملة لانه مفكرك رابط وثابت فبضرب فيك وبردك لورا بشكل عنيف

ولو صار اصابات التامين ممكن يمسكها ذريعة ويحكي تعطيل امان متعمد ويتهرب من التعويض لانك لاغي نظام مصنعي بايدك

كون واعي امور بسيطة ممكن تنقذ حياه في دراسة عليها انها بتزيد نسبة الاصابات خاصة الخطرة ل50%

28/06/2026

🔴 منشور غير اعتيادي

سواء كنت وكيل أو معرض أو موزع أو صاحب مصلحة حتى لو عزمتنا مرة على فنجان قهوة او عندك كم موضف بنعتبرهم اصدقائنا هذا ما بعني انك فوق النقد

سواء كنت موظف او موزع و صاحبنا على الراس والعين بس أي تقصير متعمد و اهمال و استغلال ما رح نستحي منك و نطبطب عليك

و للوكيل اللي معطي تعليمات لموظفينه لا تردوا عليهم لا تعطوهم أسعار قطع او تتعاملو معهم و زعلان و ماخذ على بالو احنا ما بنستنى موظف ولا بنترجاهم على التلفون والوتس اب

المعلومة بنجيبها بطريقتنا وبنشرها وبنستغني عنك لأنو زمن التعتيم و احتكار المعلومة انتهى واللي خايف من نشر سعر قطعة هو عارف ليش خايف

من أكثر من 3 سنوات واحنا على عهد واحد الاستقلالية والشفافية بدون تحيّز
لو أقرب الناس إلنا غلط بنقول قدامه انت غلطت

انت اليوم متضايق من 17 ألف متابع فاهم وواعي وبنفس الوقت كل يوم بتتعاقد مع مشهور شكل عنده عشرات الآلاف عشان يطبل ويهلل معقول لهاي الدرجة بنأثر؟ معناها كيف بكرا لما نوصل أرقام كبيرة؟

انا ما بنشتغل عند حضرتك شو ننشر و شو ما ننشر و كل ما نزلنا منشور ما اعجبك تزعل و تودي ورانا

إذا كلمة الحق صارت تخوفك لهالدرجة فانت عارف وين مشكلتك

بنكررها آخر مرة احنا مش ضد رزقة حد ولا ضد وكيل ولا تاجر
احنا ضد اللي بستغل الناس وبتغابى عليهم وبتعمد التقصير
وهذول احنا الخصم إلهم قدام الناس وبالقانون

احنا بنعرف القانون حق المعرفة وبنمشي بالقانون

لو بندور ع ترند عنا ما يكفي من مصايب و تجارب سلبية او حتى من تجارب ايجابية بس من واجبنا الاخلاقي الدفع بالتي هي احسن و حل مشاكل الاطراف حسب مقدرتنا و حدود صلاحيتنا مش ندور ع فضايح

وهاي مساحتنا مساحة كل حد بدور على الشفافية والمصلحة العامة
بننشر فيها زي ما بدنا وبكل حريتنا طالما ما في إساءة ولا اعتداء على حد
والنقد مشروع

الاحترام بينفرض وما بينطلب واللي بخاف من النقد يشتغل صح

مع كل الاحترام والتقدير للجميع وصلت ؟

28/06/2026

اذا في حد اشترى يتواصل معنا

وصلتنا كثير رسائل الفترة الماضية بتسأل عن BYD Seal 5 DM-i الي دخلت السوق الفترة الاخيرة مستوردة

السيارة بتعتمد على نظام هجين قابل للشحن يعني بتشحنها من الكهربا بالبيت وبتمشي على الماتور الكهربائي مسافة منيحة بحدود ال50كم حسب حجم البطارية زيها زي اي plug-in ولما تخلص البطارية بشتغل ماتور البنزين وبصير هو المولد اللي بعبي البطارية وبمشي السيارة

السيارة حالياً جديدة في السوق الشركة ما جابت منها وفي الداخل حتى الآن الانتشار محدود نسبياً وهاد الإشي ممكن يخلي توفر قطع الغيار صعبة في الفترة الحالية السيارة إجمالاً السيارة ممتازة واقتصادية لكن القرار النهائي والدور عليك بتقدير المخاطرة وهل أنت مستعد تدارك امور الصيانة وقطع الغيار في البداية مقابل التوفير